簡單化

要令大家簡單明白數據分析係啲乜嘢其實係一件比較難嘅事。因為要配合好多方面嘅嘢先至可以發揮到數據嘅真正價值。諗咗好耐其實都未諗到點樣先至可以簡單咁解釋一啲咁複雜嘅嘢。數據真係一樣好虛無縹緲嘅嘢,經常講數據唔係一樣實體嘅嘢,但係偏偏係一樣每個人每日都會接觸到嘅嘢。就算你有數據都好,係唔係有用係一個問題,因為數據係一個因果嘅關係。

單車節


個人分享
Tagged With: , , , , , , , , ,

近年香港踩單車嘅風氣越嚟越旺,而每當單車節都有好多人報名參賽。今年有近五千名參賽者參加,而當中有一半挑戰五十公里嘅賽事。因為途經三隧三橋,即係長青隧道,青馬大橋,汀九橋,南灣隧道,昂船洲大橋同尖山隧道,所以沿途嘅風景真係平時只可以揸車經過。不過而家唔知自己嘅體能去到邊度,同時真係太多年無踩單車,如果唔係都想去參加。

抄邊個


個人分享
Tagged With: , , , , , , , , ,

科技嘅嘢真係無得話邊個抄邊個,只係點樣將技術用得好與唔好。好多時睇落去好似一樣嘅嘢,但係背後就有可能用唔同嘅技術去開發。所以普通嘅人會話係抄襲,但係實質上真係抄襲?除非連原始碼都一樣,如果唔係其實唔可能話人哋抄你。只係功能上嘅大同小異,或者整體嘅概念一樣,老實講最多都只係炒橋而已!所以賣橋之前其實應該先保障自己嘅利益!

吹玻璃

「玻璃」

每次見到有啲關於整玻璃嘅影片都會覺得啲人好勁!點樣可以將幾千度嘅液體玻璃變成一件藝術品?點樣可以吹到啲玻璃變成容器?係香港真係好少會見到!而每次見到啲人整玻璃嘅工序都好複雜,特別係吹玻璃!因為要吹得靚都真係好有技巧。少啲心機都唔得!所以要練成身懷絕技都並非一朝一夕嘅事!

點入手

「裁縫」

唔知點解好多人都以為我公司係做市場推廣同策略,而好多人其實都仲唔係好知道我公司其實做乜!事實上我哋係一個裁縫,因為我哋要先了解唔同公司嘅需要,知道佢哋依家有啲乜嘢嘅數據,然之後再幫佢哋諗下一步應該點做。公司嘅焦點係放喺點樣利用數據,點樣將公司嘅數據串連起嚟,等佢哋可以優化業務同了解佢哋嘅客戶。不過唔明係好正常,因為真係有啲複雜!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。