談介面


個人分享
Tagged With: , , , , , , , , ,

點樣設計一個用戶介面其實係一門學問,易唔易用,好唔好用其實會直接影響用戶體驗。好多公司其實都忽略咗自己產品嘅介面,尤其係現今嘅市場好多嘢都已經數碼化。用戶介面係一個媒體,透過使用者同介面嘅互動去達成某啲目的。就算產品有幾強大,無一個介面去連接使用者,其實就好似一把刀未開封咁,無咗佢原本嘅用途。所以一個好嘅介面係好緊要。

飲奶茶

要講香港茶餐廳文化當然唔會少得絲襪奶茶!其實奶茶同蛋撻一樣都係源自英國嘅下午茶,但係傳統嘅英式奶茶係以紅茶為基礎,只用少量牛奶,不用鮮奶油,有時會加入食糖。而港式奶茶點解由叫做絲襪奶茶,其實原因係因為用嚟過濾奶茶嘅棉紗網經奶茶浸泡後,顏色同樣貌就好似絲襪咁嘅樣!但係點解要用棉紗茶袋濾過啲奶茶?原因係令到奶茶比較細滑,同時茶味更加均勻。

超月亮


個人分享
Tagged With: , , , , , , , , ,

由於月球係一個橢圓形嘅軌道上繞着地球公轉,所以月球同地球之間嘅距離都會係大約在三十五萬七千公里同四十萬六千公里之間不斷改變。因為月相嘅變化唔係一兩日就會完成,而係要一個月嘅時間逐漸咁改變,所以嚟種漸進嘅變化係唔容易察覺。而超級月亮係唔會引發海洋,地殼同潮汐嘅變化,不過咁啱得咁橋新西蘭發生咗地震。其實到現時為止仲未有任何科學根據指超級月亮會導致自然災害,就算係都係迷信同巧合。

考技巧


個人分享
Tagged With: , , , , , , , , ,

每次準備一啲重要嘅計劃書都會遇到一個好重要嘅問題,就係內容太多時間太少。要用最短嘅時間講最多嘅嘢真係好考技巧,因為時間有限所以要係短短嘅六十分鐘將訊息完完全全表達出嚟,老實講唔係樣樣嘢都可以一言兩語就可以講完。好多時我都會去研究人哋嘅計劃書,因為從中可以學習到一啲技巧,不過講到尾都要要睇邊個去演繹成件事,就算同一份計劃書,唔同人都會有唔同嘅演繹方法。

大肚相

「影相」

雖然我唔係專業攝影師,只係影相係自己嘅其中一個興趣。平時話影吓啲風景同旅行相就無乜問題啫,但係當影人嘅時候,其實我真係唔識亦唔叻。頂多有時朋友結婚影吓人哋啲結婚嘢。所以有時自己覺得影得幾靚嘅時候,通常另外嗰個就覺得唔靚。何況,老婆上星期話想我幫佢影吓大肚相,我真係一竅不通。但係都試下啦,而結果就係超級難影。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。