你可以


個人分享
Tagged With: , , , , , , , , ,

早前睇到一位朋友分寫咗一篇文章,睇完之後有點當頭棒喝嘅感覺。我哋係嚟個城市,嚟個世代生存,每個人都好努力咁為生活而奔跑。當然世界會變,而好多時亦都因為大家成長嘅年代唔同,亦都經常以一副我食鹽多過你食米嘅態度,慢慢覺得一代不如一代。但係我哋曾幾何時亦都俾上一代給予同樣嘅批評?只係時代唔同咗,與其抱怨社會只會越嚟越差,但係點解又唔諗下點樣令佢變好呢?

影響力


個人分享
Tagged With: , , , , , , , , ,

而家動不動就掀起網上嘅罵戰,不論政治又好,事時又好,甚至連廣告都出事。個社會真係乜都可以鬧一餐,因為隨時隨地都可以係網上面發表言論。當然每個人都有佢哋觀點與角度,甚至乎有佢哋嘅言論自由。只係有時覺得有啲嘢真係為鬧而鬧,都唔知為乜!網絡世界就係咁,簡簡單單批評吓,挑剔吓,有咗名氣就可以好容易影響其他人!所以係網上面都真係要小心啲講嘢!

真無品

有啲人真係唔知做乜事,又唔係同佢有仇,但係唔知點解就不斷抹黑人哋,口沒遮攔。好多人做嘢唔係講求回報,亦都任何特別無目的,只係希望將某啲事情做好。無論認唔認同人哋嘅做法都好,有時講嘢都應該積返啲口德。淨係睇表而唔理解背後嘅原意,甚至乎係道知啲唔知啲嘅情況下去批評人哋做嘢嘅目的,除咗妒忌人哋成功之外,我真係諗唔到有乜嘢必要去抹黑其他人!

談言論


個人分享
Tagged With: , , , , , , , , ,

其實好多人都好得意,唔知頭唔知路就喺度討論人哋嘅嘢。不過今時今日就係咁,讚嘅就一窩蜂去讚,鬧嘅又一窩蜂去鬧。不過因為我哋係一個言論自由嘅社會,所以尊重別人嘅言論,不論好壞都照單全收。只不過有啲人就係咁,唔知人哋講乜嘅時候就已經衝咗出去批評人哋。當然每個人嘅觀點與角度都會有唔同,所以無必要爭鋒相對,事關無咁嘅必要。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。