港病態


個人分享
Tagged With: , , , , , , , , ,

首先係度希望所有因為琴日縱火案而受傷嘅傷者可以早日康復。真係諗都冇諗過竟然有人會咁變態,係地鐵最繁忙嘅時間同最繁忙嘅路線嘅車廂入面縱火!當時睇到新聞真係嚇咗一跳!雖然到最後該名全身著晒火嘅人係縱火嘅元兇,但係如果俾著你見到啲咁嘅情況,就算你唔幫手求火都應該係第一時間逃生或者搵人幫手。如果香港有一日有恐怖襲擊嘅話,相信真係會死好多人,因為真係一啲危險意識都無!

十年前


個人分享
Tagged With: , , , , , , , , ,

真所謂十年人事幾番新,其實過去十年科技嘅發展真係快到無人有!以前要用電話上網真係諗都無諗過,而家如果手機無得上網嘅話真係想殺咗佢。智能手機除咗衍生咗好多唔同嘅工作之外,最重要嘅係改變咗人嘅行為。要改變人嘅行為係一件好難嘅事,而一部手機由原始嘅按鈕式操作到觸碰式操作其實真係唔容易。嚟個改變就足以令我哋嘅新一代依家只要見到屏幕就已為可以用雙手去觸碰操作。

睇手機


個人分享
Tagged With: , , , , , , , , ,

今時今日十個九個人都會係低頭族,我哋每日嘅生活彷彿只剩下一個細小嘅屏幕。依家出去食飯多數見到嘅情況都係每個人自己揸住自己部電話,一係就睇新聞,一係睇睇短訊,一係就打緊機。依家如果啲人發短訊俾你好似奉旨你一定會睇到,一定要立刻回覆。老實講究竟科技係拉近人與人之間嘅距離定係令將人與人之間嘅距離拉開呢?依家啲電話唔係用嚟打而真係用嚟睇!

發佈會


個人分享
Tagged With: , , , , , , , , ,

好多人今日嘅重點都係討論蘋果嘅發佈會,而當中最希望嘅係香港會有手機更新嘅服務推出,點知香港無份,所以有啲失望。其實個計劃都真係幾吸引,又唔使煩每次要賣咗部舊嘅手機先至可以買部新。而每年當佢出新款嘅時候又唔使諗換唔換好,所以真係啱我哋嚟班粉絲。老實講我依家最渴望嘅係新嘅手提電腦嘅發佈會,因為真係要換,真係等到頸都長。

出現了

香港人好多都係羊群心理,就好似搵餐廳食飯,只要人多就會有好多人排隊。因為通常無人排嘅都應該唔好食!當然就算間餐廳有好多人排,其實都未必一定好食。而因為香港好多年前出現咗「開飯喇」嚟個網上平台,大家亦慣咗用嚟個平台去發掘一啲新同好味嘅餐廳。慢慢嚟個平台就變成香港大部份香港人嘅搵地方食飯嘅平台。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。