養青蛙


個人分享
Tagged With: , , , , , , , , ,

相信好多人都會討論近期一隻大熱嘅電話遊戲《青蛙旅行》,但係點解咁多人講嚟隻遊戲呢?究竟佢點解會咁紅?甚至乎報紙都有報導?其實玩法就真係好簡單,首先就係要收集啲三業草,然後就買唔同等級嘅糧食同裝備,之後就等青蛙去旅行。佢可以一去就幾日,你開隻遊戲出嚟都只係為咗收集三葉草。而唯一期待嘅就係隻青蛙寄返嚟嘅明信片!

宏達電


個人分享
Tagged With: , , , , , , , , ,

全世界最多人用嘅手機作業系統除咗蘋果之外就係安卓系統,基本上除咗蘋果嘅智能手機之外,其他手機嘅牌子幾乎都係用緊安卓嘅手機系統。當然谷歌自己本身都有智能手機,但係如果講普及嘅程度就一定唔及三星。谷歌自己本身最強嘅就一定係軟件方面,以至於硬件嘅話,其實之前佢哋已經收購過摩托羅拉,不過之後就賣咗俾聯想。今次再一次收購宏達電嘅手機研發部門。

減價戰

其實每個行業都會出現減價戰嘅情況,而好多時都係睇下邊個嘅實力雄厚,因為有時真係蝕住做。所以好多時因為減價戰,有啲公司無能力長時間去同競爭對手競爭,流失客戶同市場佔有率之外,亦都有機會出現唔同嘅營運危機,最嚴重嘅當然就係關門大吉。商業社會就係咁殘酷,所以好多時都要做好準備迎戰,而最緊要嘅就係平時要有高質素嘅產品同服務水平,咁現有客戶先至唔會轉會!

諾基亞

仲記得好多年前因為公司一個項目要去諾基亞芬蘭嘅總部去開會,亦都係因為嚟個項目去咗芬蘭好幾次。最深刻嘅一定係晏晝收到電話話要後日開會,搞到要臨時臨急訂機票同酒店。由早上六點係屋企出發,先由大連先飛到北京,再由北京飛到法蘭克福,然後再轉機由法蘭克福到赫爾辛基,之後到酒店嘅時候已經係當地凌晨。點知去到酒店一睇電郵先至話個會取消,要一個星期後先開,等我滯留喺芬蘭足足一個星期!

砌手機


個人分享
Tagged With: , , , , , , , , ,

好多人知道深圳有好多電子嘢,原因係因為有好多電子嘅製造商係中國設有廠房生產各式各樣嘅產品。所以深圳有好多唔同嘅電子市場,入面真係乜都有。其實之前係大連工作,其實都有啲類似嘅市場。有時真係唔好睇佢噏噏耷耷,入面真係可以搵到一啲你諗都諗唔到嘅嘢。有時你會問係香港買咗部手機之後,啲人會點樣處置佢,相信好多時都會拆件然後去到嗰啲電子市場。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。