砌手機


個人分享
Tagged With: , , , , , , , , ,

好多人知道深圳有好多電子嘢,原因係因為有好多電子嘅製造商係中國設有廠房生產各式各樣嘅產品。所以深圳有好多唔同嘅電子市場,入面真係乜都有。其實之前係大連工作,其實都有啲類似嘅市場。有時真係唔好睇佢噏噏耷耷,入面真係可以搵到一啲你諗都諗唔到嘅嘢。有時你會問係香港買咗部手機之後,啲人會點樣處置佢,相信好多時都會拆件然後去到嗰啲電子市場。

港病態


個人分享
Tagged With: , , , , , , , , ,

首先係度希望所有因為琴日縱火案而受傷嘅傷者可以早日康復。真係諗都冇諗過竟然有人會咁變態,係地鐵最繁忙嘅時間同最繁忙嘅路線嘅車廂入面縱火!當時睇到新聞真係嚇咗一跳!雖然到最後該名全身著晒火嘅人係縱火嘅元兇,但係如果俾著你見到啲咁嘅情況,就算你唔幫手求火都應該係第一時間逃生或者搵人幫手。如果香港有一日有恐怖襲擊嘅話,相信真係會死好多人,因為真係一啲危險意識都無!

十年前


個人分享
Tagged With: , , , , , , , , ,

真所謂十年人事幾番新,其實過去十年科技嘅發展真係快到無人有!以前要用電話上網真係諗都無諗過,而家如果手機無得上網嘅話真係想殺咗佢。智能手機除咗衍生咗好多唔同嘅工作之外,最重要嘅係改變咗人嘅行為。要改變人嘅行為係一件好難嘅事,而一部手機由原始嘅按鈕式操作到觸碰式操作其實真係唔容易。嚟個改變就足以令我哋嘅新一代依家只要見到屏幕就已為可以用雙手去觸碰操作。

睇手機


個人分享
Tagged With: , , , , , , , , ,

今時今日十個九個人都會係低頭族,我哋每日嘅生活彷彿只剩下一個細小嘅屏幕。依家出去食飯多數見到嘅情況都係每個人自己揸住自己部電話,一係就睇新聞,一係睇睇短訊,一係就打緊機。依家如果啲人發短訊俾你好似奉旨你一定會睇到,一定要立刻回覆。老實講究竟科技係拉近人與人之間嘅距離定係令將人與人之間嘅距離拉開呢?依家啲電話唔係用嚟打而真係用嚟睇!

發佈會


個人分享
Tagged With: , , , , , , , , ,

好多人今日嘅重點都係討論蘋果嘅發佈會,而當中最希望嘅係香港會有手機更新嘅服務推出,點知香港無份,所以有啲失望。其實個計劃都真係幾吸引,又唔使煩每次要賣咗部舊嘅手機先至可以買部新。而每年當佢出新款嘅時候又唔使諗換唔換好,所以真係啱我哋嚟班粉絲。老實講我依家最渴望嘅係新嘅手提電腦嘅發佈會,因為真係要換,真係等到頸都長。

 
  • 廿一個小朋友一個月一個月咁成長,時間真係過得好快,快到一個地步上年仲係爬爬下,今年就已經識行識走。過多幾個月就已經兩歲,開始返學,真係想像唔到!當然見到自己個仔一日一日長大真係好難去形容,原本係一個食飽就瞓,瞓飽就食嘅嬰兒,到而家所有嘢都有自己嘅主見,有自己嘅要求。有時真係唔想佢大得咁快,因為到時就唔會再黐實我哋。
  • 追夢者好多人都會有夢想!但係往往因為唔同嘅原因被逼放棄自己嘅夢想!有時夢想好似好遙遠,但係如果連自己都唔堅持嘅話,其實係無人會幫到你實現夢想。唔通真係守株待兔?要追夢係需要付出,有時往往付出嘅係正常人嘅好幾倍!所以要追求夢想除咗係天時地利人和之外,其實真係好靠自己嘅努力,如果唔係,夢想永遠只係夢想。到你老咗嘅時候先至後悔無追求自己嘅夢想就真係太遲了!
  • 未知數人生本來就係充滿未知,如果樣樣都知嘅話咁就唔會係人生。當然每個人遇到好多未知嘅時侯都會不安,甚至乎產生恐懼。但係如果當未知變成已知嘅時候,下一次再遇到相同嘅情況就唔會出現同樣嘅情況。大家又會點樣去面對自己嘅未知?好多時都係見步行步,希望慢慢得到答案。如果因為恐懼而唔去搵出答案,其實只係逃避問題,而唔係解決問題。所以有時要勇敢面對,因為可能會帶比你意外嘅收穫!
  • 實體書曾幾何時好多人都會覺得電子書係會取代實體書,但係經過咁多年嘅發展,其實電子書其實都仲未普及。另一個問題就係應用係教育方面,因為如果依賴電子書作為教材嘅話,其實有無諗過會影響學童嘅健康?雖然引入科技係好,但係亦需要考慮健康問題。當然書簿費每年都會增加,但係電子書係唔係一個解決方法?其實推行電子教學嘅時候有無考慮到學生嘅健康同成長問題?