放數據

開放數據係可以牽涉到好多層面,而要社會進步就要有效地將開放數據同其他類型嘅數據結合,咁樣就可以發揮到更大嘅經濟效益。政府擁有嘅數據係最應該開放俾公眾去使用,因為大環境嘅數據係好難去靠企業或者大眾去收集。好多數據例如醫療,交通,房屋,教育等等,其實都係好有用。至於係應用層面方面就好視乎分析數據嘅目的。不過最重要嘅就當然係開放咗啲數據出嚟先啦!

雞定蛋


個人分享
Tagged With: , , , , , , , , ,

好多時我都會話雞先定蛋先,因為數據就係咁。要利用數據就先要收集數據,要收集數據就先要有明確嘅目的,要有明確嘅目的先要知道點解要利用數據。無數據就無得分析,所以又係一個雞同雞蛋嘅問題。但係唔知點解而家係又大數據,唔係又大數據,個個都只係得個講字,而究竟有幾多人真係認識大數據嘅應用,真係好難講。究竟係學術層面,定係商業層面?講到尾係要解決到問題先至得!

做功課


個人分享
Tagged With: , , , , , , , , ,

好多研究都講過,其實做功課係唔會影響一個小朋友嘅學業成績。咁點解香港嘅小朋友有咁多功課?其實小朋友因為功課而無咗好多玩樂嘅時間。而再加上排山倒海嘅補習班同興趣班,怪唔之得香港好多小朋友都會有抑鬱。與此同時好多香港嘅小朋友嘅體能都唔好,點解?未就係因為日又做,夜又做,係做功課嗰做!老實講書本以外都可以學到好多嘢嘅!

好簡單


個人分享
Tagged With: , , , , , , , , ,

有時做嘢真係好怕啲公司係有壓價唔係又壓價。其實佢哋真係知唔知乜嘢係專業服務?當然你可以搵到比我更平嘅公司去做同樣嘅工作。老實講,我過去五年都無加過價,反而好多公司次次見面都只會不斷同我講無錢。如果要揸頸就命,辛苦自己,辛苦員工,其實真係無必要。有時有啲位真係要堅守,唔係就會得吋進尺。有錢真係唔係大晒的!

教下書


個人分享
Tagged With: , , , , , , , , ,

「教書」

如果你問我鍾唔鍾意教書,其實我覺得唔錯,但係一定唔可以係全職。點解?教書係希望將自己所識嘅嘢傳俾下一代,但係其實全職教書係仲有一大堆行政嘅嘢要做,而且如果脫離咗職場嘅話,基本上所好多嘢都只係停留係學術同理論方面,因此而缺乏咗實踐嗰部份。所以每年都會返去大學講下數據分析,希望培養多啲人才!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。