好關係


個人分享
Tagged With: , , , , , , , , ,

點樣先至快樂?當然有時聽森美小儀嘅早霸王唔止係為咗星期五嘅環節,其實好多內容都好有趣。今日聽到森美佢哋講關於美好人生嚟個題目,而係節目入面提及一段良好嘅關係會影響好多嘢。每個人都有唔同嘅關係,當中包括家庭,朋友,學業,事業,夫妻,子女,等等,而森美所指嘅研究係由哈佛大學經過長達七十五年嘅研究。咁點樣先至係快樂呢?

貓仙人


個人分享
Tagged With: , , , , , , , , ,

香港好多人其實都有養貓,而係我認識我老婆之前佢已經收養咗我家嘅大哥,所以可以話見證著我哋兩個由拍拖,結婚到生仔嘅歷程!其實貓一般嘅壽命平均大約係十二歲左右,因為貓由九歲開始就已經進入老年期。不過其實大哥點睇都唔似係一隻老貓,因為佢仲好跳跳紮紮,成個小朋友咁。當然佢都有返咁上下年紀,所以有啲老人病亦都唔出奇,最緊要都係佢食得,瞓得,玩得就夠了!

十七個


個人分享
Tagged With: , , , , , , , , ,

又到咗每月一次嘅回顧,今個月對於郭大少嚟講應該係最繁忙嘅一個月。點解,因為平日要上堂,跟住又有面試,然後就去鹿兒島旅行,返嚟又去咗迪士尼。佢嘅生活真係豐富過我哋。不過真係時代唔同,以前我哋細個邊度有咁多嘢,邊度會同阿爸同阿媽一齊去啲咁遠嘅地方。上年嘅今日先得嗰五個月人仔,肥嘟嘟好得意,但係一年之後就變成咗一隻甩繩馬騮。希望佢繼續日日都咁開心健康成長!

十六個


個人分享
Tagged With: , , , , , , , , ,

小朋友真係打得好鬼快,唔覺唔覺又一個月,唔覺唔覺就十六個月大。郭大少越嚟越有自己嘅主見,佢所有嘢都好清晰咁話俾我哋知佢要啲乜。只不過佢仲未識得講嘢,所以有時我哋唔知佢講乜嘅時候,佢會好忟憎我哋唔知佢要乜。今個月佢又成長咗唔少,不過就病咗成個星期,真係擔心死我哋。而今個月開始多咗幼稚園面試,雖然仲未係我哋心儀嘅幼稚園,相信到時我哋會仲緊張。

十五個


個人分享
Tagged With: , , , , , , , , ,

依家嘅小朋友真係學嘢學得好快,有時我同老婆都唔知郭大少係邊度學識某啲嘢。我一直都察覺到佢係一個觀察型嘅小朋友,而佢每次做啲出乎意表嘅嘢我哋都好驚奇,因為我哋無教過佢但係佢有識得做個樣嘢。嚟個小朋友好鍾意讀書同音樂,而家有幾首歌一聽到就會做唔同嘅動作,去到琴行對鋼琴好有興趣。不過佢真係好睇人,因為佢真係揀人嚟恰,我湊佢好地地,但係老婆湊佢就攪到一頭煙!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。