要取捨


個人分享
Tagged With: , , , , , , , , ,

人生好多時都係不自覺嘅情況下變得好在意得與失,越係想得到嘅嘢就越得唔到,而越易得到嘅嘢就變得唔矜貴。人生就係獲得與失去之間慢慢成長,而要成長就當然要跌過,碰過先至會領略到珍惜自己所擁有嘅嘢。有時有啲嘢係唔可以強求,所以所以唔好執著一啲唔屬於自己嘅嘢。咁樣你嘅人生就會輕鬆啲,開心啲。或者你今日唔明,但係相信總有一日你會明白。

太在意


個人分享
Tagged With: , , , , , , , , ,

好多人都會好在意個社會點樣睇你,身邊嘅朋友點樣睇你,公司嘅同事點樣睇你,親戚朋友點樣睇你,老婆點樣睇你,自己點樣睇自己,等等。而好多時自自然然就會好在意身邊嘅閒言閒語,好在乎每一件事嘅成敗,因此亦慢慢令自己做嘅每一樣嘢都要諗過度過。就係因為太在意,所以好多時會令自己沉思,諗下點解件事會係咁,不過好多時事情已經過去咗無得返轉頭!

得與失

好多人都會計較成敗得失,或者嚟個係社會一直以嚟嘅價值觀。其實點解要去計算?因為只有計算先至可以比較科學化咁將一啲原本無可能計嘅事物數字化。但係只不過人生如果計算得太多,太盡,有時候就算得都變失。而太過介懷得失就會影響自己嘅思維,諗得越多,反而失去越多。有時好多嘢都應該憑自己既直覺同信念去做,計算太多未必係一件好事!

等機會


個人分享
Tagged With: , , , , , , , , ,

「機會」

有時有機會又煩,無機會有煩。守株待兔一直等其實唔係辦法,所以有時機會係要自己製造,自己爭取,自己把握!當然自己慶幸嘅係過去咁多年都有唔同嘅機會可以俾自己更上一層樓,而當然有啲機會係自己爭取,有啲係人哋俾嘅機會。所以我好珍惜每次人哋俾我嘅機會,因為其實某程度上係代表人哋肯定自己嘅能力。一係唔做,要做嘅就要做到最好!

一加一

「選擇」

不論創業也好打工又好,其實每日都會遇到好多選擇題。創業當然希望有生意,但係有時真係要考慮團隊嘅承受能力。有時真係唔係唔想做,而係如果格硬接咗單生意返嚟之後做死自己嘅團隊,或者會得不償失。當然好多時都會掙扎接定唔接,接就玩死自己,唔接就無錢開飯,所以有時真係兩難。有時真係唔係話多勞就多得,而係要平衡整體嘅經濟效益!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。