影響性


個人分享
Tagged With: , , , , , , , , ,

相信好多人買嘢之前都會做好多資料搜集,不論係貨品嘅規格,設計,技術,價格,用戶口碑等等,先至會決定買唔買。要搵到嚟啲資料真係好容易,就算自己唔花時間去搵,只要你上社交媒體問一問,相信都會有好多朋友會回應你嘅問題。傳統銷售都係好睇嗰個推銷員嘅推銷能力,唔會好似依家咁可以上網睇晒所有資料,基本上一落到鋪頭就知道要乜!

多一事


個人分享
Tagged With: , , , , , , , , ,

而家好多人都會怕麻煩,大部份嘅人都會諗多一事不如少一事。好多人都會講,理人咁多嘢做乜呀?顧掂你自己先啦!但係有時真係多一事不如少一事?或者就係你多事就會改變咗某啲事情。或者嗰一刻你會覺得算把啦,唔好理啦關自己咩嘢事,但係轉過頭你又諗理唔理好呢?當然無人可以迫你做多嗰少少,只係如果個個都自私自利嘅話,最終有機會影響返自己!

低端人


個人分享
Tagged With: , , , , , , , , ,

北京低端人口亦稱為北京低端勞動力,通常指生活係北京嘅低收入,低學歷,從事低端產業嘅人。低端人口嚟個詞語係北京市政府嘅文件中多次出現,亦係媒體及學者中廣泛使用。只不過因為涉嫌歧視嘅成份而引發爭議!其實每個地方都會有人係生活係貧窮線下,而亦都因為社會有階級之分,所以導致唔同階層嘅人有唔同嘅待遇。但係又無必要將所謂嘅低端人口趕盡殺絕呢?

做博客


個人分享
Tagged With: , , , , , , , , ,

而家做博客其實真係好簡單,簡單到一個人隨隨便便係網上面寫啲嘢就話自己係博客。好多公司會搵博客去唔同嘅地方參加或者體驗唔同嘅產品,然後就希望博客係自己嘅博入面分享下。當然有啲係有錢,有啲係無錢,亦都有啲係邀請你去某啲私人活動。自問就真係冇做博客嘅條件,寫嘢都係因為個人嘅興趣,想了解文字與數據嘅關係,而最緊要係記錄生活嘅點滴。

再進化


個人分享
Tagged With: , , , , , , , , ,

人工智能嘅一個盲點就係需要人類嘅智慧作為基礎,然後透過不斷自我學習同優化而不斷進步。但係如果人工智能好似一個初生嬰兒咁,要從一張白紙學識人類窮一生先至學到嘅嘢,究竟需要幾耐?恐怕個答案會好驚人。到最後其實人工智能再唔需要人類嘅智慧就已經可以不斷進化,而亦都因為咁人工智能係有必要被規管。如果有一日人工智能失控嘅話,後果真係可以非常嚴重。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。