做總結

「終於」

終於用咗幾日嘅時間去整理同寫今次區議會選舉嘅數據分析。首先我嘅前設唔係當選唔當選,而係想睇下究竟啲數據又乜嘢可以睇到。當然想知嘅更多,但係奈何無足夠嘅數據同時間可以再做好啲。唔知有幾多人睇個我前幾日寫嘅五大區分析,如果有可以比少少意見,事關都係第一次搞選嘅數據。唯一我考慮嘅係政黨,而唔係候選人本身。同時因為唔想比新聞同其他分析影響同保持淨係分析數據層面。

九龍東

「概況」

搞完港島區同九龍西嘅資料,今日就到九龍東。一啲基本資料,選區數目有62個,參選人有136個,平均2.19個人競爭1個議席係五區當中比例最少。今次投票率係37.67%,合共218,473張選票。建制派票數比民主派多18.8%,而選票比例係1.46:1。平均每個選區重奪議席嘅話,民主派平均需要1,226標。民主派係九龍東有29%議席,而建制派嗰69%議席入面有26%係自動當選!

九龍西

「概況」

好啦之前搞完港島區嘅資料,終於到九龍西。相對港島區,九龍西少一個區但係都要搞好耐。先講返啲基本資料,選區數目有66個,參選人有155個,平均2.3個人競爭1個議席同香港島差唔多。今次投票率係43%,合共208,918張選票。建制派票數比民主派多12.9%,而選票比例係1.29:1。而平均每個選區重奪議席嘅話,民主派平均需要889標。民主派係九龍西有27%議席,而建制派嗰73%議席入面有12.5%係自動當選!

香港區

「概況」

幾經辛苦先執好咗香港島啲選區資料,最麻煩嘅就係候選人嘅黨派。首先俾大家一啲基本資料,選區數目有80個,參選人有187個,平均2.3個人競爭1個議席。今次投票率係39.22%,合共239,341張選票。建制派票數比民主派多12.6%,而選票比例係1.28:1。而平均每個選區重奪議席嘅話,民主派平均需要713標。民主派係香港區有25%議席,而建制派嗰75%議席入面有25%係自動當選!

豬一樣

「延續」

我真係好少會連續兩日寫類似嘅嘢,不過真係太好笑,所以再寫多篇。我重複睇咗「政改」表決段片好多次,真係睇咁多次笑咁多次!點解嘅?真係㗎?裝越位都唔識裝,真係輸波係有奶油!「建制派」今鋪真係聰明反被聰明誤!重要低智能咁不斷澄清,真係算吧啦!千年道行一朝喪,唔知支持佢哋嘅人會唔會「票債票償」!有票真係唔要嘅超經典示範!今次完全係技術性嘅出錯!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。