廿八個


個人分享
Tagged With: , , , , , , , , ,

返咗學嘅郭大少真係好唔同,最大嘅分別就係佢越嚟越多嘢講,有時真係講唔停。而家經常話自己大個仔,樣樣嘢都想自己做,有時想話幫佢但係死都唔俾人幫。其實某程度上係一件好事,不過有時真係太過固執。不過相信每個小朋友都會經過咁嘅階段,見到佢每日嘅成長再相比起自己細個,分別真係幾大。時代真係唔同咗,現今嘅小朋友真係太過聰明,唔好低估佢哋嘅能力!

廿六個


個人分享
Tagged With: , , , , , , , , ,

過下一個月,過下又一個月,郭大少又成長咗唔少。當然返咗學之後係有啲改變,最大嘅改變一定係多咗嘢講,唱多咗歌。有時真係估佢唔到,老師話佢唱歌唱到連隔離班嘅班主任都問究竟邊個唱歌唱到咁大聲。但係唔知係唔係因為突然之間要返三個鐘頭學,覺得佢比較攰同埋只係得我一個佢,所以有幾日我送佢返學竟然扭計唔肯入去學校。好彩之後都回覆正常!

返學了


個人分享
Tagged With: , , , , , , , , ,

每年嘅九月一號都係開學日,唔知大家仲記唔記得自己第一日返學係點?如果你問我就真係唔記得,最記得嘅就係間幼稚園園係灣仔,放學嫲嫲接我然後去坐巴士。除此之外,其實真係唔記得自己返幼稚園嘅情況。當然人生第一日返學,好多時喊係避免唔到,因為始終係第一次同屋企人分開獨自去返學。而當自己做咗人哋父母之後,見到自己個仔返學就真係有少少唔捨得。

去面試


個人分享
Tagged With: , , , , , , , , ,

我都有今日啦,不過為咗個仔好其實真係無辦法啦,香港嘅教育制度真係無得頂。終於見識到啲幼稚園係點樣面試一個一歲多啲啲嘅小朋友。當然每間學校都有唔同嘅收生標準,自己嘅教育理念,唔同嘅特色。我自己最緊要就係教育環境,因為始終小朋友佢哋無得揀,都係父母去幫佢哋決定去邊間學校。而每個父母都得一個願望就係入到一間好同適合佢哋嘅學校啦。不過嚟個遊戲真係啱啱先至開始。

開學日


個人分享
Tagged With: , , , , , , , , ,

「洗版」

今日又係一年一度嘅開學日,雖然我個仔啱啱先出世,所以仲未有共鳴。但係今日一整日真係俾所有家長嘅仔女返學相洗版。當然到我個仔返學嘅時候,或者我都有可能係其中一個。不過今日真係超級變態,由幼稚園到小學,小學到中學,兄弟到姊妹,一張張新學期嘅返學放學相不斷係咁洗我版。當然好明白做人父母嘅心態,如果你有日見到我擺相上社交媒體嘅話,請原諒!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。