得天下


個人分享
Tagged With: , , , , , , , , ,

其實做數碼營銷真係要識好多嘢,又電郵,又搜尋引擎,又拍片,又影相,又社交媒體,又網站,又數據,等等。要學嘅嘢真係數之不盡,而且日日都係到變,真係跟得慢啲都脫節。不過好多人會以為數碼營銷好簡單,因為係香港好似只要做好某個社交平台就可以,只係現實並非如此,希望同期望與現實不符。數碼營銷係講求多元化,獨沽一味係好難去營運,要有一個全面同平衡嘅營銷策略。

好學校


個人分享
Tagged With: , , , , , , , , ,

每個人十隻手指都有長短,所以每個人都有自己嘅長處同短處。係香港每個家長都好緊張自己仔女嘅成績,雖然大家把口就話求學不是求分數,只不過其實好多時咪又係好介意分數。講到尾其實係教育體制嘅問題,因為學生嘅成績係同分數掛鈎。如果真係有學校真係唔係用分數去量度學生嘅成績嘅話,我相信好多學生同家長都會好開心,只不過就算學校唔求分數個教育機制求分數,所以到最後都好似無得揀!

試新嘢


個人分享
Tagged With: , , , , , , , , ,

其實搵咗好耐都未搵到一個自己覺得比較好嘅管理平台。當然知道好多人都有同樣嘅問題,不過每間公司都會用唔同嘅工具去管理日常業務。不過都嚟刻為止,其實都仲未有一個自己覺得識合嘅平台。上年終於有一個覺得比較好嘅不過用咗一年又好似唔太得。而啱啱全球最大嘅社交平台亦推出咗一個俾公司用嘅平台,所以早前就立刻去登記試下個平台有無一啲特別之處。今日終於可以落手試下佢個平台同功能。

做測試


個人分享
Tagged With: , , , , , , , , ,

現今嘅科技真係好犀利,當然以前要係網上面做用戶測試真係好麻煩。真係要勞師動眾先至可以做少少嘅測試,不過依家就可以隨時隨地,話做就做,超級方便。當然過去幾年都試過唔同嘅產品,但係始終好多都唔係免費,甚至要俾好多錢先至用得。對於香港大部份嘅企業,莫講話要佢哋投資落嚟啲測試工具,就連基本嘅數據分析嘅工具佢哋都唔會俾錢去投資。原因係佢哋對數據分析缺乏相關嘅知識!

旅遊業


個人分享
Tagged With: , , , , , , , , ,

以前係中國做嘢其實好多時訂機票酒店都係靠攜程,但係返到嚟香港就唔知點解自自然然就會去咗旅行社訂機票酒店。或者香港人真係被服務慣,所以搵個人去安排行程點都好過自己浪費時間去唔同網站格價同搵機票酒店。當然依家香港好多人都已經會上網買機票同訂酒店,但係相比起外國仲係相對比較少。不過香港嘅旅行社都要盡快轉型,如果唔係好易被網上嘅平台慢慢侵蝕個市場。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。