一八年


個人分享
Tagged With: , , , , , , , , ,

每年嘅第一日都會寫今年會做啲乜,不過今年應該唔會再講希望今年會點樣。抱著平常心過每一日應該係最好,因為無期望就無失望。所有嘢都隨遇而安,可以將上年嘅問題解決晒就已經好好。所以今年只係希望做好每一件事,繼續開開心心咁睇住郭大少成長就已經足夠。當然心底裏依然有無數嘅希望,最希望嘅係搵到一個新嘅方向可以令自己舒服啲。

越希望


個人分享
Tagged With: , , , , , , , , ,

每個人都希望自己可以成功去達到自己嘅目標。只不過世事往往都係會同你背道而馳!有時成功都只係要睇彩數,係你就係你,唔係你就唔係你。當然好多人會話你唔努力,唔堅持,所以先至唔成功。但係嗰啲人又真係知道你付出過幾多咩?就算講佢哋都唔會明,因為係佢哋眼中只有成功與否。到最後要面對嘅亦都只有自己,跌低起返身亦都係要自己,過程中有幾唔開心又有邊個知?

三十幾


個人分享
Tagged With: , , , , , , , , ,

咁又一年,唔經唔覺已經開始咗嚟個網誌兩年。再一次覺得自己好變態,竟然可以無間斷咁日日寫。雖然近期無以前咁執著要係每晚十點鐘出文,因為真係太忙碌,不論工作或者家庭都有好多嘢要處理。希望自己可以繼續寫落去,不過有時真係唔知寫乜,但係唔緊要,因為寫文係為咗鍛鍊自己嘅耐力。不過人生咁就過咗一半,真係唔經唔覺咁就三十幾。

小丑鐘

「回憶」

如果你係八十後而你細個嘅時候又曾經去過吉之島,你應該記得嗰度有個小丑鐘,而每個鐘頭佢都會報時。當然佢有佢嘅特別之處就係報時嘅時候佢會播音樂,同時個鐘上面嘅小丑就會起身拉動手掣,之後係個鐘入面就有好多唔同嘅精靈走出嚟。亦都因為咁,好多人都會為睇佢而特登嚟康怡廣場嚟間吉之島。而小丑鐘亦陪伴咗我一個好快樂嘅童年,事關我係康怡花園長大,所以經常係嚟緊吉之島!

白海豚

「海豚」

由細到大,有一種動物我都好鐘意。佢就係海豚!每次見到佢哋都覺得佢哋好得意,好聰明!所以好多時唔明點解某啲國家容許人類獵殺海豚。而香港嚟個咁細嘅地方竟然都有野生海豚出沒。仲要係一種比較特別嘅品種「中華白海豚」!全身白雪雪,好靚。但係我哋嘅政府就偏偏唔識保護嚟啲自然生態,樣樣嘢都話同民生,經濟有關。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。