做艇仔

好多時都會遇到一啲唔同行業嘅前輩,而做人就當然要有禮貌,見到面就自然去打個招呼。只不過有啲人就會覺得你過嚟打招呼係為咗打關係,為咗抓生意,事關你係一間細公司,係佢哋眼中只不過係俗稱嘅艇仔。通常自此之後我唔會再主動去打招呼!其實好多客戶都會直接搵我哋去合作,原因好簡單就係佢哋都知道就算俾大公司做,佢哋做唔嚟,到最後又係搵我哋!

做兄弟


個人分享
Tagged With: , , , , , , , , ,

一個相識咗超過二十年嘅兄弟今日結婚,雖然近年大家喺唔同嘅地方工作,大家一年都未必見到一次,但係我好珍惜大家嘅友誼。好多嘢做兄弟嘅真係在心中!有時有啲嘢真係唔需要講大家就會明!今日係你結婚嘅大喜日子,除咗幫你做兄弟同恭喜你之外,當然希望可以幫你分擔下壓力同工作量,等你嘅嘅婚禮可以順順利利。如果今日有啲乜嘢做得唔好就真係多多包涵啦!

最珍貴


個人分享
Tagged With: , , , , , , , , ,

雖然唔係每個人都會幫人打過工,但係如果你有嘅話,你會覺得係乜嘢係最寶貴?當然我係指金錢以外嘅嘢啦,因為好多人都會認為係工作所認識嘅朋友都會只係因為工作嘅關係。當你離開間公司嘅時候,好多時就算之前大家係好好嘅朋友都好,但係追逐時間慢慢過去,嗰份友誼唔知點解就會慢慢消失。好多人都會話因為大家嘅工作環境唔同咗,話題亦少咗,事關以前大部份嘅時間都係講公司嘅大小事務。不過其實間唔中亦都會有一兩個人係會保持聯絡,而之間嘅友誼亦都唔單止係建基於大家嘅工作。

邊樣先

第一次創業其實唔係非常成功,當然最重要嘅問題係無社會經驗,好多嘢都唔識所以就算係賺到錢都無用,因為好難做得大。依家啲年輕人就相對比較幸福,事關有好多資源可以利用,有好多有經驗嘅創業者分享佢哋嘅經驗。最緊要嘅係有好多資金,雖然我唔太認同依家啲年輕人參加比賽,或者去申請創業基金,只不過我哋以前邊度有啲咁嘅嘢。而事隔十年再次創業,當然又好唔同啦!

試新嘢


個人分享
Tagged With: , , , , , , , , ,

其實搵咗好耐都未搵到一個自己覺得比較好嘅管理平台。當然知道好多人都有同樣嘅問題,不過每間公司都會用唔同嘅工具去管理日常業務。不過都嚟刻為止,其實都仲未有一個自己覺得識合嘅平台。上年終於有一個覺得比較好嘅不過用咗一年又好似唔太得。而啱啱全球最大嘅社交平台亦推出咗一個俾公司用嘅平台,所以早前就立刻去登記試下個平台有無一啲特別之處。今日終於可以落手試下佢個平台同功能。

 
  • 做博客而家做博客其實真係好簡單,簡單到一個人隨隨便便係網上面寫啲嘢就話自己係博客。好多公司會搵博客去唔同嘅地方參加或者體驗唔同嘅產品,然後就希望博客係自己嘅博入面分享下。當然有啲係有錢,有啲係無錢,亦都有啲係邀請你去某啲私人活動。自問就真係冇做博客嘅條件,寫嘢都係因為個人嘅興趣,想了解文字與數據嘅關係,而最緊要係記錄生活嘅點滴。
  • 領導者領導係帶領嘅意思,如果只係一直跟從別人嘅指令去工作嘅話,其實毫無領導可言。而一個成功嘅領導者通常都具備以下嘅五樣特質,當中包括:決斷能力,有同理心,承擔責任,保持樂觀,專注向前!當然領導者亦都有唔同嘅類型,係唔同嘅環境入面會發揮不同嘅作用,所以有時唔係領導者嘅問題而係領導嘅方法未必適合某啲公司嘅文化。用人唯才先至係管理同領導上策!
  • 放得下人一生最重要嘅一樣嘢就係要學識點樣放得低,因為人出世嘅時候係乜都無,離開嘅時候亦都係乜都無。當然人天生係執著,要經歷唔同嘅磨練先至會學會放低。而如果要放低以下十樣嘢嘅話,你又會放得低幾多?當中包括:抱怨,過去,煩惱,自我,脾氣,懶惰,消極,妒忌,猶豫同貪念。人生要活得輕鬆自在唔係一件易事。學識逐一放低其實先至會活得開心。
  • 你可以早前睇到一位朋友分寫咗一篇文章,睇完之後有點當頭棒喝嘅感覺。我哋係嚟個城市,嚟個世代生存,每個人都好努力咁為生活而奔跑。當然世界會變,而好多時亦都因為大家成長嘅年代唔同,亦都經常以一副我食鹽多過你食米嘅態度,慢慢覺得一代不如一代。但係我哋曾幾何時亦都俾上一代給予同樣嘅批評?只係時代唔同咗,與其抱怨社會只會越嚟越差,但係點解又唔諗下點樣令佢變好呢?