西灣河

我諗無人會唔知邊度係西灣河,細個嘅時候一家人住係康怡花園,去西灣河通常都係同嫲嫲一齊落去買餸。之後返到嚟香港大部分時間都係住係西灣河,所以由細到大自己基本上係港島東長大。好多人或者會覺得西灣河係一個比較舊嘅地區,但係其實如果你住過西灣河之後或者你有另外一個睇法。雖然西灣河話大唔大,話細唔細,但係就真係乜都有,真係一個好方便嘅一個社區。

大家庭


個人分享
Tagged With: , , , , , , , , ,

有時世界真係好細,因為真係唔知幾時會遇到啲人其實係某啲朋友嘅朋友,甚至乎係工作上面原來有啲淵源。尤其係大公司做嘢,好多時未必見過面,但係就通過電話傾過偈,甚至乎只係通過電郵交流。但係當大家真係見到面嘅時候,感覺就好似認識咗好耐,所以大公司就好似一個大家庭咁。不過而家好少人一份工會做好多年,好多時都只係過客,所以就無咗一家人嘅感覺。

貓仙人


個人分享
Tagged With: , , , , , , , , ,

香港好多人其實都有養貓,而係我認識我老婆之前佢已經收養咗我家嘅大哥,所以可以話見證著我哋兩個由拍拖,結婚到生仔嘅歷程!其實貓一般嘅壽命平均大約係十二歲左右,因為貓由九歲開始就已經進入老年期。不過其實大哥點睇都唔似係一隻老貓,因為佢仲好跳跳紮紮,成個小朋友咁。當然佢都有返咁上下年紀,所以有啲老人病亦都唔出奇,最緊要都係佢食得,瞓得,玩得就夠了!

聖誕樹

就到聖誕就到聖誕,聖誕節就當然要準備聖誕樹,聖誕燈飾,聖誕禮物,等等。聖誕樹係聖誕節嘅一個傳統,而一般係外國都會用真嘅聖誕樹,因為地方大有地方擺,但係香港真係地方太細,所以好多人都會買啲人造樹去代替。有聖誕樹就點少得啲裝飾,而啲裝飾真係分分鐘仲貴過棵聖誕樹。而一般真嘅聖誕樹都係用松樹,所以如果屋企入面有一棵真嘅聖誕樹就自自然然有一陣陣松柏味。唔知大家又開始準備自己嘅聖誕樹未呢?

水電工


個人分享
Tagged With: , , , , , , , , ,

「師傅」

其實係香港搵個水電師傅係唔係咁難,有時打電話去問嘢同約時間真係好鬼受氣。老實講我都係人哋介紹先至打電話搵你啫,好似我欠咗佢咁,啲態度真係好到無朋友!其實都無所謂,因為我唔識所以先至搵師傅啫,如果我識就自己搞掂啦。好多嘢其實自己都搞得掂,所以好多嘢都已經可以慳番唔少,不過有啲嘢真係唔好搵命博,尤其同電有關嘅嘢!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。