七人車

「香港」

香港真係有好多七人車,基本上揸車出街起碼五架入面都應該會有一架!但係點解有咁多七人車?當然就因為一出街最起碼都四五個人!兩公婆加一兩個小朋友再加一個工人!放假嘅話分分鐘要加埋老人家,所以如果係五座位嘅話根本就搞唔掂。所以香港多七人車唔係無原因,而大部份嘅爸爸都會係嚟啲情況掙扎究竟係五座位定七座位!

縱壞咗


個人分享
Tagged With: , , , , , , , , ,

「縱壞」

好多香港人其實某程度上被縱壞咗,當然好大原因係因為香港嘅生活環境所導致。最明顯嘅就當然係好多家庭都會聘請外地傭工去幫手處理好多屋企嘅家頭細務。但係如果你係外國生活,除非你係好有錢,一般人嘅屋企都唔會有傭工。講真為咗生活係無可厚非需要人幫手,但係好多時香港人真係太過被服務慣,每當遇著服務差啲嘅地方亦都會破口大罵!

選擇咗


個人分享
Tagged With: , , , , , , , , ,

「照顧」

最近睇咗好幾篇文章同短片關於小朋友嘅成長,好多都係好洋蔥。係佢哋嘅世界其實係好簡單,就係父母可以花多一啲時間俾自己,因為父母係佢哋嘅所有!嚟個聽落係一個好似好簡單而又好卑微嘅要求!但係事實上而家嘅社會同家長,問心真係可以滿足到佢哋嘅要求嗎?大部份嘅家庭都要為咗生活,因此父母都要工作,邊樹有時間去認真照顧小朋友!

又年尾


個人分享
Tagged With: , , , , , , , , ,

「事業」

今年工作方面就話好唔好,話差唔差,只不過仲未打開到一個缺口可以突圍而出。幾經辛苦先至可以話開展培訓方面嘅業務,但係仲係一個好初步嘅階段。而五年過去,將會係點?真係唔知!唔知係應該守,定係應該係時候再博一博。不過點都好,係時候諗下其他市場,繼續咁浪費精力同時間唔係辦法。希望明年可以有啲起色。雖然未死得,但係都係得返半條人命。

狂野時

「經典」

一套原著電影「狂野時速」由第一集開始我已經有開始睇。但係竟然可以拍到第七集,認真厲害!當然每一集之後都好期待同希望有下一集啦。雖然未睇第七集,但係已經好期待。或者亦因為 Paul Walker 嘅離去,覺得係佢最後嘅作品所以特別想睇。需然 Vin Diesel 好似透露咗會有第八集,不過無咗 Paul Walker 就好似少咗啲嘢。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。