廿一個


個人分享
Tagged With: , , , , , , , , ,

小朋友一個月一個月咁成長,時間真係過得好快,快到一個地步上年仲係爬爬下,今年就已經識行識走。過多幾個月就已經兩歲,開始返學,真係想像唔到!當然見到自己個仔一日一日長大真係好難去形容,原本係一個食飽就瞓,瞓飽就食嘅嬰兒,到而家所有嘢都有自己嘅主見,有自己嘅要求。有時真係唔想佢大得咁快,因為到時就唔會再黐實我哋。

請外傭


個人分享
Tagged With: , , , , , , , , ,

其實好多香港人屋企都會有請外傭,尤其係當有咗小朋友嘅家庭,因為好多時兩公婆都要返工,所以需要有個人去照顧小朋友嘅係佢飲食。當然請得外傭就係希望可以放心咁工作,但係過去實在聽到好多負面嘅事件,有啲甚至乎上晒報紙。當然身邊亦都有好多朋友分享佢哋嘅經歷,所以請外傭真係好似買六合彩咁,好就可以好好,差嘅就可以好差。有時真係俾錢買難受!

不文明


個人分享
Tagged With: , , , , , , , , ,

「人類」

係地球上嘅所有哺乳類動物都係靠母乳去孕育下一代,而人類其實亦都係哺乳類動物嘅一種!係呀,人類係哺乳類動物,只不過人類係靈長目系!唔信你自己去搵下資料!所以當嬰兒出世之後媽媽嘅身體會作出改變,亦因此會製造母乳給自己嘅下一代!但係唔知幾時開始,我哋嘅社會開始忘記咗嚟件事,慢慢亦覺得餵哺母乳係一件萬惡不赦嘅事!

百日宴

「百日」

以前我哋細個慶祝小朋友滿月,但係而家大家都改為慶祝同搞百日宴。因為好多人覺得初生嬰兒啱啱出世一個月就帶佢出街有啲危險,同時媽媽啱啱坐完月身體都仲未完全復原。所以大家都選擇擺百日宴就係因為咁嘅原因比較多,當然仲有好多人都會按照傳統擺滿月酒。時間過得真係好鬼快,個仔咁就出咗世三個幾月。而見到佢日日都開開心心對住我哋笑,真係外面發生乜嘢事都唔再重要!

育嬰室


個人分享
Tagged With: , , , , , , , , ,

「香港」

係香港帶嬰兒出街真係好考功夫,原因係當社會推行母乳餵哺嘅時候,個社會仲有好多人未接受到係公眾場合啲好辛苦餵母乳嘅媽媽公開餵哺。何況好多媽媽亦都接受唔到係公眾地方無啦啦坐低餵個嬰兒。所以育嬰室係好緊要,而香港其實唔係得好多地方有育嬰室。雖然感覺好多翻新咗嘅商場都以經慢慢配備育嬰室,但係個量始終唔夠。所以好多時父母可以去嘅地方都真係幾局限!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。