茶餐廳

茶餐廳係香港一個重要嘅飲食文化,而茶餐廳前身其實叫做冰室。以前嘅冰室一般都係提供凍飲,雪糕,沙冰等,而且佢哋持有嘅牌照係小食牌,所以唔可以提供熟食。但係茶餐廳嘅牌照唔同,因為係食肆牌,所以可以提供更多種類嘅食品。基本上係香港真係好容易就搵到一間茶餐廳,而家有一啲就扮懷舊,將餐廳個名叫做冰室,就連啲裝修都參考香港五六十年代嘅風格。