好極端


個人分享
Tagged With: , , , , , , , , ,

我哋身處嘅地球真係病了!一個星球係有生命,而我哋生活係嚟個地方其實係有需要去保護佢!接二連三嘅極端反常嘅天氣係一個又一個警告,如果我哋再唔對症下藥嘅話,雖然我哋係有生之年或者未必見到問題。但係試想下自己嘅仔女同佢哋嘅仔女會點?到果陣時唔係讀唔讀啲讀書,搵唔搵到錢嘅問題,因為佢哋有機會面對嘅係地球係唔係仲可以居住嘅問題!

秋風起


個人分享
Tagged With: , , , , , , , , ,

以前嘅香港,四季分明,但係近年就好似無咗春天同秋天咁。話熱就突然熱,話凍就突然凍。太陽落山雖然開始早,六點鐘已經開始黑,但係天氣就好似夏天咁。記得以前細個返學係會教春夏秋冬,而家啲教科書係唔係已經唔需要再教春秋嚟兩個季節呢?如果繼續咁落去,相信香港真係好快再唔會有春秋,只會有冬夏!雖然話鍾意夏天啫,但係今年真係太熱了!

流星雨

流星群係由周期性彗星分解出來嘅物質或者由瓦解咗嘅彗核所形成,由於流星群嘅軌道相當固定,所以地球會周期性咁穿越嚟啲流星群,因此就會出現固定性嘅流星雨。而「英仙座流星雨」係其中之一,另外仲有「象限儀座流星雨」同「雙子座流星雨」,並被稱為北半球三大流星雨。而全年三大觸目嘅流星雨之一,英仙座流星雨,今晚九點半開始將會畫破香港夜空,估計每小時最多會有一百五十粒。

流鼻水

香港近日嘅天氣真係非常反常,其實已經有一兩個月無試過鼻敏感,但係啲天氣真係搞到鼻敏感又發作。如果只係流鼻水我就真係無所謂,但係一敏感,好多時都會引致頭痛,與此同時個人真係好攰,基本上真係無辦法可以專心做任何嘢。所以我真係好憎鼻敏感,因為真係好攰同無辦法集去中做嘢。唔知大家有無鼻敏感,但係如果有嘅話,不妨大家分享下你嘅解決方案!

放霧霾


個人分享
Tagged With: , , , , , , , , ,

我其實好鍾意影煙花,真係有諗過連續影十二年,將十二生肖嘅煙花匯演都影晒。我有一年真係好早去到尖東海旁去霸位,但係真係好天曬落雨淋。不過如果講地點嘅話真係最近同最有利!影煙花真係好睇天氣,所以有時天氣唔好,雲層低,無乜風嘅話,影完第一輪之後基本上好多時都係影煙多。有時真係睇彩數,而之前影咗四年,印象中只有一年真係講得上天朗氣清。

 
  • 耐力賽係香港要接觸賽車嚟項運動係一件極度困難嘅事!當然好多人都鍾意賽車,只不過香港就無咁嘅地方同條件去孕育賽車手。好多時要賽車就要去中國先至有正規嘅賽車場。之前係香港其實係有探討過係大嶼山興建賽車場,但係最終都被否決。但係邊個話香港人無能力係國際賽車賽事入面取得好嘅成績?香港都有好多職業嘅賽車手,只不過大家好少關注嚟方面嘅新聞啫!
  • 建築師記得中學嘅時候自己想做建築師,但係就唔記得乜嘢原因,而係外國讀書嘅時候其實係有一個星期比我哋去做工作體驗。當然嗰陣時就去咗一間建築公司返咗一個星期工,不過當然到最後都只係幫手影印文件啦。讀建築其實都幾辛苦,基本上所需要嘅時間同讀醫科差唔多,再加上經常無得瞓,所以最後都無向嚟個方向發展。其實講到尾自己都係鍾意設計多啲。
  • 有嘻哈好多時做巿場推廣,品牌都會顧及自己嘅形象。不過有時自嘲一下真係無妨,就好似「譚仔」同「100毛」合作嘅一條新片。《譚仔有嘻哈》係一套勵志劇?而除咗有粵語同英語之外,仲有譚仔話?吓唔知乜嘢係譚仔話?咁好明顯你無去過譚仔啦!有時品牌係需要大膽啲,當然就算自嘲都有可能係反效果,不過今次譚仔條片真係幾好笑!有時間嘅話不妨睇下笑下!
  • 再見了認識你應該有二十年,因為同你哋一班朋友嘅生活唔同,其實真係好少機會一齊玩。不過唔記得點解大家有一段時間有過深層次嘅交談。雖然生活同社交圈子唔同,不過睇住你拍拖,結婚,生仔,有一個美滿嘅人生嘅時候,兩年前一個大家都會震驚嘅消息令我覺得天意弄人!好多嘢都唔明白,好多嘢都唔公平!自你開始記錄你嘅經歷,你所寫嘅每一篇文章我都有睇完。