讀大學


個人分享
Tagged With: , , , , , , , , ,

最近一篇《十七歲少女:我要做個程式設計師》引嚟唔同嘅迴響,如果你問我嘅話,讀唔讀大學係自己嘅選擇。而作為一個過來人嘅身份,只可以講路係自己揀,視乎環境同實際情況而決定。最緊要嘅係要知道點解要讀大學,點解要有一張畢業證書。雖然當年決定輟學,但係過咗十幾年之後,自己決定再次返回校園,只不過再返校園嘅目的更加明確,更加清晰!所以無話啱定錯!

考完試


個人分享
Tagged With: , , , , , , , , ,

我其實唔鍾意考試,最努力讀書嘅時候應該係高中,因為希望自己考到入自己心儀嘅大學,去讀自己鍾意嘅科目。當然到最後失望而回,但係諗返嗰陣時真係自己最勤力讀書嘅階段。之後隔咗好多年再重返大學已經係十幾年之後,而其實我唔係為求分數,只要畢到業就已經足夠。當然考試係要盡自己最大嘅能力,只不過有時見到自己啲學生無盡力考試嘅時候,其實心入面都會有少少唔開心!

返校園


個人分享
Tagged With: , , , , , , , , ,

有時我都係度笑自己,因為自己十幾年前有書唔讀走去創業,而家反而每年都有幾會返大學。雖然角色唔同咗,感受亦都唔同咗。每年都會因應市場嘅變化去調整自己嘅教材,務求將最新嘅知識同經驗傳授俾班學生。雖然有時話去教書,其實另一方面係去學嘢,因為係一班年輕人身上係可以學到好多嘢。今日又係新一年嘅開始,希望佢哋唔會俾我嚇親。今年應該係過去咁多年最多人報名嘅一次。

放榜日

「價值」

其實讀完中學係唔係一定要讀大學?當然依家好多人都有大學學位,所以如果無嘅話好似輸蝕咗啲,不過唔讀大學就代表唔成功?或者嚟個係亞洲人嘅心態同社會價值觀!只不過讀得書多就代表做嘢特別好?或者某啲專業係需要,但係依家嚟個世代,好多時請人都係睇人嘅態度同工作經驗。就算係大學幾叻都好,做嘢唔得就係唔得。

課室外


個人分享
Tagged With: , , , , , , , , ,

「教書」

過去幾年一直都係大學幫手教書,雖然只係每一個學年教一個同數據分析有關嘅科目,但係唔經唔覺嗰班學生都已經投入社會工作。當然好高興好多都有一個好嘅發展。其實教書就係咁,希望啲學生有一個好嘅出路,而近期都係唔同嘅場合見返自己嘅學生。雖然只係同佢哋相處咗十三個星期,加埋考試都係得四十幾個鐘,但係慶幸佢哋都會記得我!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。