其實睇到新聞嘅時候真係好呀愕然，起初以為自己睇錯，但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人，好多時睇演唱會都會睇下係唔係佢彈結他。或者大家對佢嘅了解唔深，甚至乎佢唱過啲乜嘢歌或者患有燥鬱症都唔知。有時看似一切都正常，但係有時正常就正正係唔正常。你辛苦了！雖然係一個好難接受嘅事實，但係相信大家都會尊重你嘅決定同永遠記得你！

「生日」

今日係我老婆生日，不過今年就有少少唔同。以前每年我都會搵緊靚靚餐廳同老婆慶祝生日，但係因為今年老婆就要坐月已要係屋企。當然我好想同佢出去食餐好嘅，但係無計啦，坐月緊要。而今年就多咗郭大少同佢過生日，希望座完月之後有機會同佢補祝今年嘅生日啦。以後就多個人同你同我一齊同你慶祝，希望你開開心心，快快樂樂，最緊要就係健健康康同我白頭到老！