抑鬱症


個人分享
Tagged With: , , , , , , , , ,

衞生署公布佢哋嘅統計資料,顯示每一百個香港嘅成年人就有三個患有抑鬱症,而長者嘅比例更高達百分之十。最大問題嘅係過半數嘅患者係完全沒有接受過任何適當嘅治療。咁究竟乜嘢係抑鬱症?抑鬱同一般情緒低落其實有啲乜嘢分別?一般情緒低落每個人都會經歷過,但係當情緒低落影響到個人生活或者他人嘅話就係病。治療此病的方法一般有兩種,一是藥物治療,另一是行為治療。

超辛苦


個人分享
Tagged With: , , , , , , , , ,

當然決定咗嘅嘢係無得返轉頭,與其諗點解當初有咁嘅決定,倒不如繼續向前行。要堅持一樣嘢係好辛苦嘅一件事,而放棄就係一件談何容易嘅事。有時堅持所付出嘅代價係好大好大,但係有時亦都要面對現實。辛苦係在所難免,只係有時係需要比自己有休息嘅空間,重整一下再堅持過。因為有啲問題係需要解決,而個啲問題係有逼切性,就算幾想堅持都好,現實係殘酷嘅!

港學生


個人分享
Tagged With: , , , , , , , , ,

係香港,好多小朋友都要面對唔同嘅壓力,尤其係學業嘅壓力!其實過去咁多年,不時都有學生跳樓嘅事件發生,而今年已經發生咗好幾次。點解啲小朋友會去到自尋短見嘅地步呢?小朋友唔係應該開開心心咁生活,無憂無慮咁成長,但係偏偏係香港小朋友嘅壓力就特別大。歸根究底都係因為香港嘅教育制度同社會價值嘅問題。我經常問,究竟教育呢兩個字係點解?教育嘅原意係乜?

返轉頭

近排見到好多同期創業嘅朋友都喺到不斷轉型,好多都話方向都有啲迷茫,而事實上我亦有同感。唔通大家都有七年之癢?當然大家可以話係環境嘅問題,但係其實大家嘅眼光都唔係淨放係香港個市場。當見到大家都喺度煩緊嘅同時,大家依然好努力咁奮鬥緊。有七年前再創業之後所認識嘅朋友,其實係嚟刻依然堅持同繼續奮鬥緊嘅真係寥寥可數。慶幸嘅係大家都依然未放棄,依然搵緊出路!

誰人知

「創業」

我經常講創業係有苦自己知,而且其他人係好難介入佢哋嘅空間。所以唔好話你身邊嘅人,甚至乎佢哋自己都未必明白自己。雖然佢哋好多時都會同現實脫鈎,而往往每個人都有自己嘅包袱,因此抗拒同其他人分享問題。因為就算佢哋想搵人傾訴,要搵到同路人其實唔係咁容易。況且好多時大家都想一力承擔當面對問題,所以只會係百上加斤!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。