漫畫書


個人分享
Tagged With: , , , , , , , , ,

細個嘅時候好多時都係睇卡通片,但係就唔知原來卡通片其實好多時都係因為有漫畫先。香港真係少咗好多淨係賣漫畫嘅商店,而最近期睇過嘅漫畫應該係進擊的巨人。當然唔同人有唔同嘅喜好,有啲鍾意睇美國嘅漫畫,有啲就鍾意睇日本嘅,當然仲有香港本地嘅漫畫啦!好多時漫畫都係虛構出嚟,不過有時亦都有啲係反映當時嘅社會文化,就好似大家熟悉嘅老夫子。

米芝蓮


個人分享
Tagged With: , , , , , , , , ,

「推介」

一年一度嘅「米芝蓮指南香港澳門2016」又出爐,而今年位於朗廷酒店嘅「唐閣」被入選為其中一間三星餐廳,而另外有兩間餐廳「富臨飯店」同「明閣」就晉升為二星餐廳。今年「米芝蓮指南」更增添港澳街頭小食店嘅推介,而當中有二十三間香港嘅小店入選。睇完個名單之後,我諗我好似淨係幫襯過一兩間小店,但係之前就同過老婆去過一兩間一星同兩星,真係好好食!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。