大抽獎


個人分享
Tagged With: , , , , , , , , ,

相信好多父母都希望自己嘅仔女可以有一個好嘅學習環境,所以每當去到升小學嘅時候都特別緊張,因為一讀就讀六年!當然有人歡笑有人愁,小朋友派到一間心儀嘅學校就當然最好,不過今年嘅小一派位只有三分之二嘅機會獲派頭三志願!而因為小一統一派位係隨機抽籤,所以大家都會用大抽獎去形容嚟個機制。相信到我嘅時候我都會好緊張,不過都要順其自然,因為有時希望越大失望越大!

又裁員

係商業環境,開源節流係好平常嘅事。當然裁員係節流嘅常用手法!通常都係將一啲高人工,高年資,低價值嘅職位嚟開刀。而好多時資訊科技嘅部門都被視為高開支嘅部門,但係好多管理層其實忘記咗今時今日好多同營運有關嘅事務都係同科技有關。要提高工作效率,節省資源,其實都要靠科技。但係點解將自己嘅資訊科技嘅員工開除,之後再搵出面嘅公司承包?咁樣真係慳到錢?

港珠澳

港珠澳大橋主體工程耗資約三百二十七億人民幣,整體工程估計約七百億。大橋全長為四萬九千九百六十八米,主體工程「海中橋隧」長三萬五千五百七十八米,同包括五千六百六十四米嘅海底隧道,設計壽命為一百二十年。在珠江口伶仃洋南北兩側分別有兩個離岸人工島,人工島之間通過海底隧道連接。大橋初期計畫的起點係香港大嶼山䃟石灣,但最終方案改為香港國際機場人工島。

靠專注


個人分享
Tagged With: , , , , , , , , ,

有幾多間公司真係可以稱得上係百年基業?其實真係無幾多間!好多歷史悠久,好有名嘅公司都會有被淘汰嘅一日。係弱肉強食嘅社會企業要不斷尋找出路去面對唔同嘅挑戰。有好多公司其實都試過低潮,甚至乎面臨倒閉嘅危機,而有啲幸運嘅當然可以扭轉形勢,再創佳績。而好多時問題在於專注,如果唔專注咁將自己嘅優勢發揮,唔認清楚個問題嘅話,往往就係導致失敗嘅原因!

已過時

香港有好多數據分析嘅人才,但係大部份都係分析同金融有關嘅數據。而數據分析已經慢慢邁向自動化嘅年代,但係要香港甚至乎一啲亞洲地區去運用數據,最基本嘅係要知道自己有啲乜嘢數據可用得著。十居其九都係一啲基本信息,毫無關連,一啲可以幫到公司做決策嘅數據都無。所以好多企業都應該由根本做起,如果唔係只係浪費時間同金錢。

 
  • 越節儉其實之前都有同好多人分享過類似嘅故仔。有一個窮人,佢好窮好窮,而有一日一個有錢人見到佢咁可憐就諗住幫佢致富。之後就送咗隻牛比佢,然後吩咐佢要好好開荒,等春天嚟到嘅時候就可以播種,咁到咗秋天嘅時候就可以脫離「窮」嚟個字!點知窮人就滿懷希望開始奮鬥,只不過咗幾日,隻牛要吃草,人要吃飯,日子比之前仲難過。窮人不斷賣嘢,只不過到最後佢諗致富係無希望,所以賣晒所有嘢去買一壺酒,飲晒落肚,咁就可以乜都唔使諗,悠哉悠哉!
  • 要跑數我經常都講,要搵天生推銷員係一件好難嘅事。因為佢哋真係乜辦法都有去推銷佢哋嘅產品,而自問真係講嘢唔叻,口才亦唔了得,所以我一定唔係一個推銷員。不過就算唔係天生,但係都要識得去推銷,如果唔係點跑數。由其如果你自己創業同營運一間公司!因為真係手停口停,就算你件產品點樣好都無用,唔識推銷嘅話,就算件產品真係可以上天落地又點?始終都係賣唔出!
  • 定指標每間公司都會定立唔同嘅指標,只不過指標嘅意義係啲乜?係唔係所有嘢都指標化就一定成功?當然定立指標係為咗公司上下有一個統一嘅方法去量度業務嘅情況,等員工有一個清晰嘅目標。有時有指標係一件好事,不過有時如果有太多指標,或者已經違背定立指標嘅原意,甚至乎有機會走火入魔。只不過要適當使用數據,同定立有用嘅指標其實係一件幾難嘅事!
  • 新班子一個團隊要有效咁做到一啲成績俾人睇係要用人唯才,之前我哋嗰位候任特首林鄭月娥曾經講過佢嘅原則係要廣納賢能。所以好多人都係度等緊佢所謂嘅新政府,新管治係點。究竟三司十三局會係由邊個擔任,因為好多人都已經對今屆嘅政府有好多不滿。如果無乜嘢大嘅改變,基本上係今屆政府嘅延續版。要香港走出過去幾年嘅困局,相信都幾難。而今日終於揭曉佢所謂嘅新班子!