數據先


個人分享
Tagged With: , , , , , , , , ,

好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!

牛肉乾


個人分享
Tagged With: , , , , , , , , ,

好多人會問點解告票係香港被稱爲牛肉乾呢?其實係有原因嘅,因為係八十年代之前,一張交通違例嘅罰款告票係一式三份嘅。因為執法人員要好似罰抄咁抄三次,因此會增加抄錯牌嘅機會。所以告票入面會有一層類似過底紙嘅黑色物體。當執法人員抄完牌之後,張告票就會連埋張過底紙一齊夾係擋風玻璃嘅水撥上面。當時印刷技術比較求其,所以遠睇嘅時候就好似一塊牛肉乾咁,所以就因此得名!

強與弱


個人分享
Tagged With: , , , , , , , , ,

相信大家出嚟社會做嘢都見過唔少工,通常都會被問到你嘅強項同弱項。咁究竟你又會點答呢?要了解一個人嘅長短,強弱唔係一時三刻嘅事,有時要係現實嘅環境去嘗試。一個團隊係要互相配合,互補長短,所以無需刻意強調自己嘅強項同輕輕帶過自己嘅弱項。用人唯才,無人係完美,而聰明嘅管理係用人嘅強項多於弱項。咁先至可以建立一個完美無瑕嘅團隊。

教分析

好多人都以為做數據分析一定同數學有關,但係其實好多時唔係話數學叻就一定分析得好。其實個重點係個流程!首先要知道數據係一個因果嘅關係,而啲數字係代表啲乜同點樣產生出嚟。如果源頭已經被污染,與此同時用一啲錯誤嘅數字做分析,其實一開始就已經錯晒。所以凡事要尋根究底,如果唔係數據係幫唔到你,反而到最後害咗你!

抑鬱症


個人分享
Tagged With: , , , , , , , , ,

衞生署公布佢哋嘅統計資料,顯示每一百個香港嘅成年人就有三個患有抑鬱症,而長者嘅比例更高達百分之十。最大問題嘅係過半數嘅患者係完全沒有接受過任何適當嘅治療。咁究竟乜嘢係抑鬱症?抑鬱同一般情緒低落其實有啲乜嘢分別?一般情緒低落每個人都會經歷過,但係當情緒低落影響到個人生活或者他人嘅話就係病。治療此病的方法一般有兩種,一是藥物治療,另一是行為治療。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。