話咁快

「時間」

唔經唔覺郭大少話咁快已經五個月大!時間真係過得好鬼快,而依家佢越嚟越多表情,但係最安慰嘅係佢都算係一個開心嘅小朋友。我相信除咗自己個仔之外都好少見到咁開心嘅小朋友。因為佢基本上好鍾意笑,除咗有要求,但係只要你同佢玩,一般佢都會俾返一個好燦爛嘅笑容俾你。有時出街嘅時候,有啲陌生人見到佢同佢笑,佢都會唔執輸咁俾返個招牌笑容人哋。