亂咁噏


個人分享
Tagged With: , , , , , , , , ,

當然傳統嘅廣告同數碼廣告係會並存,而各有各嘅價值。係好多地方,投放係數碼媒體嘅廣告費已經超越傳統廣告!點解?原因好簡單,因為大家用手機嘅時間遠多過睇報紙,雜誌,電視,等等傳統媒體嘅時間。好多世界有名嘅報告都指出嚟一點!而有啲所謂嘅市場調查嘅公司有定期做調查,但係至於報告入面嘅數據如何收集同可信性就有好大嘅質疑!不過好多人唔會理會佢哋嘅可信性,仲用嚟做參考,真係害人不淺!

俾錢啦

好多品牌為咗跑數都會好依靠面書嚟個社交平台去做推廣。好多時見到客戶嘅數據,大部份嘅用戶都係透過社交媒體已接觸到品牌嘅推廣同活動。每次我都會同佢哋講要改變策略,因為如果某一日面書改變玩法,甚至乎無咗嘅話,佢哋會點算?因為有時唔係錢唔錢嘅問題,睇過依賴第三方嘅平台做營銷唔係一個長遠嘅方法,始終控制權唔係自己手入面,況且年輕一代都已經唔係太過上面書,舊嘅營銷方法仍然奏效嗎?

記憶力


個人分享
Tagged With: , , , , , , , , ,

人嘅記憶真係好得意,以前考試要背書,十版八版嘅論文都無問題,可以一字不漏咁寫返哂出嚟。細個下下都真係靠個腦記住,但係慢慢就會發覺越嚟越多嘢要記,好似無以前咁好記性,所以都會寫低。當有咗電腦之後就會開個記事簿寫低佢,不過好多時都唔會睇返甚至乎唔記得寫咗係邊。雖然話方便,但係始終會漏嘢。到最後都係唔記得咗,醒起嘅時候都已經太遲了。

我是誰


個人分享
Tagged With: , , , , , , , , ,

有時真係喺度諗,究竟自己係人哋嘅眼中係個乜嘢嘅人。熟悉我嘅朋友都知道我好少會理人哋點睇自己,亦都好少理人哋嘅眼光。當然唔係指我獨行獨斷,而係有時何必要作比較?每個人都有自己嘅唔同,無論係背景定係生活態度,所以無必要去比較亦都無必要去理其他人嘅眼光。只會比較嘅人其實真係太過表面同太過膚淺。話雖如此,有時都好奇人哋嘅睇法。

雪中炭


個人分享
Tagged With: , , , , , , , , ,

每個人一生都會遇到唔同嘅困境,但係當你有事嘅時候邊個會嚟幫你?當然無人有責任一定要幫你,好多時都會好客氣咁同你講幫唔到你。有時要開聲去搵人幫手唔係一件易事,人哋幫唔幫你係佢哋嘅個人選擇。但當有朋友會出手相救嘅時候你就會覺得佢哋雪中送炭,求你一命。嚟啲朋友真係兩脇插刀,真係多謝佢哋係無助嘅時候出手扶你一把。除咗感激之外真係唔知講乜嘢好。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。