打份工


個人分享
Tagged With: , , , , , , , , ,

其實有時打工係有打工嘅好處,因為有好多嘢都唔需要理,只不過要突破某啲關口其實除咗盡自己嘅本分之外,好多時真係要好睇公司本身嘅發展空間。要更上一層樓好多人會選擇去轉工,但係當人去到某個年紀嘅時候,轉工未必係一個最好嘅選擇。當然打工都有風險,因為幾大嘅公司,幾歷史悠久嘅公司都會有裁員嘅一日。唯一嘅工作係唔會俾人裁嘅話,當然就自己打自己工。

親信門


個人分享
Tagged With: , , , , , , , , ,

當大家只係關心香港嘅政治嘅時候,韓國過去幾日竟然發生一啲比香港更加離譜嘅事。好多香港人都會去過韓國,而近年亦有好多好好睇嘅電視劇,不過光輝嘅背後都有叫黑暗嘅一面。好多人當得到某些權力嘅時候,第一件事就係希望自己嘅團隊都係自己人,因為佢哋覺得比較放心。但係就因為希望自己唔會有太多反對嘅聲音,導致好多人都會覺得當權者縱容親信。當然朝中有人好辦事,但係係唔係咁就一定好?其實真係好似某啲電影橋段,不過你有無諗過現實亦都會出現咁嘅情況?

飲飲酒


個人分享
Tagged With: , , , , , , , , ,

每年我同老婆都會去一年一度嘅美酒佳餚節,而前年去嘅時候都仲未知道有咗郭大少,去年因為郭大少只係出咗世三個月所以無去,今年當然要去飲飲食食啦!不過每年都係超多人,而且入到去除咗要門票之外仲要品酒券,當然飲酒就要酒杯啦所以如果你無自備嘅話都要平平地買隻膠杯仔。不過最貴嘅其實唔係啲酒而係入面啲嘢食,真係是是但但都要你三四百蚊,重要大部份係唔飽兼唔好食。所以可以嘅話真係自備嘢食會好啲!

新電腦


個人分享
Tagged With: , , , , , , , , ,

話說自己部電腦用咗幾年個屏幕試第一次斷咗個骹位要成個換咗佢,之後整返無耐又自己自殺式跌咗落地,搞到得返八成嘅屏幕可以正常顯示。當然有諗過整唔整好,因為真係好貴,而知道蘋果好快就會有新嘅手提電腦推出。不過等了又等,等到天荒地老之後,終於今日推出咗新嘅款式。當然功能上勁咗,而且又多咗一啲新嘢,最緊要就當然係部電腦輕咗,事關日日孭著依家部機出出入入真係幾辛苦。

十五個


個人分享
Tagged With: , , , , , , , , ,

依家嘅小朋友真係學嘢學得好快,有時我同老婆都唔知郭大少係邊度學識某啲嘢。我一直都察覺到佢係一個觀察型嘅小朋友,而佢每次做啲出乎意表嘅嘢我哋都好驚奇,因為我哋無教過佢但係佢有識得做個樣嘢。嚟個小朋友好鍾意讀書同音樂,而家有幾首歌一聽到就會做唔同嘅動作,去到琴行對鋼琴好有興趣。不過佢真係好睇人,因為佢真係揀人嚟恰,我湊佢好地地,但係老婆湊佢就攪到一頭煙!

 
  • 不如意其實唔知係唔係自己係度逃避緊,刻意唔去諗,好似唔係好想面對。話就話有心理準備,但係真係太過突然。個人真係有少少一片空白,除咗必須要做嘅嘢之外其實真係想自己一個靜下。今年真係有太多阻滯,去到一個點真係想問幾時先至會回覆正常。雖然日日都同自己講,過咗今日聽日會好啲,但係可唔可以俾我抖一抖。可唔可以俾一啲曙光我呢?就算幾正面都好,都總會有負面嘅時候。
  • 懷念你由細到大爺爺都係同我哋一齊生活,直至到我哋移民咗澳洲之後先至分開生活。但係過咗幾年之後都一齊移民咗,大家又可以經常見面,亦可以享受退休嘅生活。係我心目中你係一個好勤力,好節儉嘅人。可以嘅話都盡量唔好麻煩到其他人,好多嘢都收收埋埋唔同我哋講。你最怕嘅就係無得周圍走,但係近年身體唔好,亦都經常出入醫院,而你每次都會問幾時可以返屋企。
  • 港學校香港嘅教育制度真係玩死啲父母,當然係其他國家都會有類似嘅情況,只不過香港係唔係有啲太過複雜呢?就連幼稚園都已經要搞咁多嘢,真係未做人父母係唔會知道有幾變態。有時唔係你想做怪獸家長,而係不論政府又好,學校又好,都令到好多家長變成怪獸。好多人都會跑出嚟講好多嘢,但係如果唔改變根本嘅問題,其實講乜嘢都無用!
  • 談介面點樣設計一個用戶介面其實係一門學問,易唔易用,好唔好用其實會直接影響用戶體驗。好多公司其實都忽略咗自己產品嘅介面,尤其係現今嘅市場好多嘢都已經數碼化。用戶介面係一個媒體,透過使用者同介面嘅互動去達成某啲目的。就算產品有幾強大,無一個介面去連接使用者,其實就好似一把刀未開封咁,無咗佢原本嘅用途。所以一個好嘅介面係好緊要。