建築師

記得中學嘅時候自己想做建築師,但係就唔記得乜嘢原因,而係外國讀書嘅時候其實係有一個星期比我哋去做工作體驗。當然嗰陣時就去咗一間建築公司返咗一個星期工,不過當然到最後都只係幫手影印文件啦。讀建築其實都幾辛苦,基本上所需要嘅時間同讀醫科差唔多,再加上經常無得瞓,所以最後都無向嚟個方向發展。其實講到尾自己都係鍾意設計多啲。

抄邊個


個人分享
Tagged With: , , , , , , , , ,

科技嘅嘢真係無得話邊個抄邊個,只係點樣將技術用得好與唔好。好多時睇落去好似一樣嘅嘢,但係背後就有可能用唔同嘅技術去開發。所以普通嘅人會話係抄襲,但係實質上真係抄襲?除非連原始碼都一樣,如果唔係其實唔可能話人哋抄你。只係功能上嘅大同小異,或者整體嘅概念一樣,老實講最多都只係炒橋而已!所以賣橋之前其實應該先保障自己嘅利益!

新電腦


個人分享
Tagged With: , , , , , , , , ,

話說自己部電腦用咗幾年個屏幕試第一次斷咗個骹位要成個換咗佢,之後整返無耐又自己自殺式跌咗落地,搞到得返八成嘅屏幕可以正常顯示。當然有諗過整唔整好,因為真係好貴,而知道蘋果好快就會有新嘅手提電腦推出。不過等了又等,等到天荒地老之後,終於今日推出咗新嘅款式。當然功能上勁咗,而且又多咗一啲新嘢,最緊要就當然係部電腦輕咗,事關日日孭著依家部機出出入入真係幾辛苦。

玩手錶


個人分享
Tagged With: , , , , , , , , ,

「手錶」

一個機緣巧合嘅情況下獲贈一隻「蘋果」手錶。講真我好少會買任何第一代嘅玩兒,事關好多時都有唔同嘅毛病。就好似蘋果第一部平板電腦咁,又厚又重,但係一出第二代就即刻唔同晒。好啦講返隻手錶,到而家帶咗幾日啲用電量好似比我想像中好,唔係好食電。不過新野通常都無啲咁嘅問題。但係條膠錶帶就真係一般般。有日帶到我敏感,痕痕地。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。