點報價

相信好多做服務性質嘅公司都經常要報價俾客戶,而好多時除咗報價之外都需要先做一份計劃書。不過好多公司只係因為內部流程需要,要搵幾間公司去報價,所以基本上只係陪跑。辛辛苦苦做嘅計劃書對嗰啲公司嚟講只係一份功課,而有啲甚至乎想要你嘅橋,所以有時做又唔係,唔做又唔係。到最後其實就算你份計劃書做得有幾好,你報嘅價錢係幾平與貴都唔係關鍵。

人際學

相信好多人都會聽過「識人好過識字」嚟句說話,但係淨係識得人多就得?非也!因為就算你識得人多唔代表人哋會記得你。通常人哋記得你都不外如兩樣嘢,一係你有某啲過人之處或者價值,一係你就有得罪人多稱呼人少。不過好多時人際關係又唔一定只係停留係利益嘅層面,而嗰啲人脈先至係最緊要,因為最起碼大家唔會去計算自己嘅利益。只不過係人生入面又會有幾多個嚟啲人存在?

談種票

其實係世界國地嘅選舉入面,或多或少都有種票嘅情況。為咗達到目的,為求當選,真係乜嘢方法都會用,而大部份都係同利益,金錢有關。當然最直接嘅就係賄賂啦。不過好多地方嘅法例為咗保障有個公平公正嘅選舉,所以任何選舉舞弊都屬於違法。係香港亦都唔例外,只不過有時真係無佢哋辦法,因為真係無辦法去舉證。所以有時明知有種票嘅情況,但係真係就無從入手。

老中青

「老年」

其實想講好耐,不過思前想後,終於決定要寫出嚟。相信好多人會發現所謂嘅「藍絲帶」大部分係上咗年紀。我見示威嘅都大概係八二比例。當然我唔係歧視任何人,不過點解佢哋會撐政府?經過咁多日,我自己嘅睇法係「安居樂業」嚟四隻字。以前嘅香港係你肯做就有前途,為嘅係安居樂業。佢哋老了自然想安安定定,亦唔想下一代好似佢哋咁辛苦。但係時代變了,讀好書,去外國升學以經係平常事,啲新世代其實睇唔到將來。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。