越希望


個人分享
Tagged With: , , , , , , , , ,

每個人都希望自己可以成功去達到自己嘅目標。只不過世事往往都係會同你背道而馳!有時成功都只係要睇彩數,係你就係你,唔係你就唔係你。當然好多人會話你唔努力,唔堅持,所以先至唔成功。但係嗰啲人又真係知道你付出過幾多咩?就算講佢哋都唔會明,因為係佢哋眼中只有成功與否。到最後要面對嘅亦都只有自己,跌低起返身亦都係要自己,過程中有幾唔開心又有邊個知?

超擾民

香港政府真係無嘢搵嘢嚟做,人哋唔知以為香港發生咗啲乜嘢事。我相信習近平去過咁多個國家,應該無一個國家或者城市因為佢去探訪而要勞師動眾,又封路,又整啲巨型嘅水馬圍著佢。就算係嗰啲乜嘢國際性峰會都唔會好似香港咁!搞咁多嘢至可以話勞民傷財,超級擾民。其實香港回歸二十年,唔係應該俾全世界睇究竟香港係一國兩制下有啲乜嘢成個咩?咁搞法真係丟架!

向日葵

向日葵嘅花語係太陽咁解!向日葵具有向光性,所以好多人叫佢做太陽花。係香港要見到向日葵應該都要係花店先至會見到,而如果要有一大片向日葵嘅花田嘅話,相信要去到外國先至睇得到。不過諗都冇諗過香港竟然有一個地方有個花農竟然種植向日葵,只不過因為近日香港嘅天氣導致啲向日葵做咗開花,趕唔切收割!亦因為花農嘅豁達,香港人先至有機會欣賞咁靚嘅花海!

廿三個


個人分享
Tagged With: , , , , , , , , ,

作為父母,見到自己嘅小朋友可以健康成長就已經足夠。雖然已經踏入兩歲嘅茶煲階段,但係郭大少真係幾好笑。因為今個月無同佢返學,佢每次行過類似學校嘅嘢都想走入去,希望佢大個之後都好似而家咁,鍾意返學啦。有時真係覺得佢唔似一個兩歲都未夠嘅小朋友,尤其佢玩滑板車!因為已經識得左閃右避,重要踩得好快!有時佢食量都好驚人,一個人食晒一碗烏冬,一份厚蛋治,不過都係個句,佢鍾意食係可以食好多!

平安鐘

相信好多人都聽過「平安鐘」嚟樣嘢,但係你對佢哋嘅服務有幾多嘅認識?或者你覺得你無需要嚟個服務,但係其實如果你屋企有老人家嘅話,嚟個服務真係有必要。而家佢哋所提供嘅服務同以前好唔同,為咗配合唔同嘅需要,佢哋有唔同嘅方案。其實老人家佢哋如果遇到問題,好多時都真係未必識得打電話或者打到電話,所以平安鐘嘅一掣式設計就適合啲老人家用。

 
  • 要敢做雖然而家係數碼年代,而廣告亦都分為傳統同數碼兩派。但係做廣告係需要創意,唔係樣樣嘢都只係求回報。我之前亦都講過,數據唔係萬能,而如果太過依賴數據去營運嘅話,基本上係無創意可言。廣告除咗要有創意之外,亦都需要膽量去做。當然有時有啲廣告會太過前衛,引起社會爭議!只不過創作就係咁,唔可以下下都為咗討好市場而做,有時真係要鼓起勇氣踏出一大步。
  • 人揀你而家有好多嘢都唔係話你想點就點,睇落你好似有得揀,但係實際係無得揀。點解?因為唔係你揀人而係人揀你。讀書係學校揀人,搵工係公司揀人,搵生意係客戶揀人,樣樣嘢都係人哋揀你。咁有乜嘢係自己揀?其實就算俾你千揀萬揀,揀完之後人哋話啱嘅話,最後你都無計。當然有時係要檢視自己做選擇嘅時候究竟有啲乜嘢條件係必要,有啲乜嘢只係有會好啲但係非必要,如果唔係其實只係自己開嘅條件太過苛刻。
  • 最後的終於都到咗送你最後一程嘅日子,再唔捨得都要同你講一聲再見。你突然嘅離去其實依然仍未完全接受,希望你去到世界嘅另一端繼續開開心心咁過每一日。咁多年嚟都無送過啲乜嘢俾你,希望最後嘅一份禮物你會鍾意。雖然心情依然沉重,但係見到你安祥,見到你微笑就已經足夠。我會記住你講嘅每一句說話,唔需要擔心我。你永遠都會係我心入面,永別了我最愛嘅爺爺!
  • 秋風起以前嘅香港,四季分明,但係近年就好似無咗春天同秋天咁。話熱就突然熱,話凍就突然凍。太陽落山雖然開始早,六點鐘已經開始黑,但係天氣就好似夏天咁。記得以前細個返學係會教春夏秋冬,而家啲教科書係唔係已經唔需要再教春秋嚟兩個季節呢?如果繼續咁落去,相信香港真係好快再唔會有春秋,只會有冬夏!雖然話鍾意夏天啫,但係今年真係太熱了!