數據戰

每間公司最值錢嘅資產其實係數據,所以大家都希望建立自己嘅數據平台,但係如果只有自己公司嘅數據,好多時就無辦法突破框架。因此好多時唔同公司都會將某部份嘅數據互相分享同連結起嚟,希望係分析數據嘅時候可以更加全面。收集數據只係一個開始,因為無數據同方程式就無可能自動化,而無自動化就無得令程式自學起嚟,而無自學嘅話就唔會有人工智能!

超離譜

雖然航空公司超賣係好常見亦都好普遍,而且超賣亦都係合法,航空公司亦有權利去取消客戶嘅機位。只不過合法還合法,真金白銀嘅消費者又有啲乜嘢權利同保障?航空公司為咗保護自己嘅利益而要超賣,不過好多時嚟種營商嘅模式都會被質疑有無道德!有時真係唔係錢唔錢嘅問題,因為有好多人都真係有需要係特定嘅時間去到其他地方。如果因為航空公司嘅利益,真係講唔過去。其實係唔係應該修改法例同保障消費者呢?

好網站


個人分享
Tagged With: , , , , , , , , ,

諗返二十幾年前自己開始學寫網站嘅時候,當然就無諗過依家嘅網站可以寫到出神入化。以前細個邊度識咁多嘢呀,點樣登記域名,點樣起個伺服器,等等嘅嘢都係邊玩邊學。就算網站本身都要用人手逐行逐行咁寫出嚟,邊似得依家咁方便同咁講究。當然依家嘅網站用途有好多,但係如果要稱得上一個好網站,老實講真係買少見少。不過如果仲有人覺得一個網站對一間公司無用嘅話,咁就真係認真大鑊,因為如果連一個網站都無,要人搵到你都真係會有難度。

打份工


個人分享
Tagged With: , , , , , , , , ,

其實有時打工係有打工嘅好處,因為有好多嘢都唔需要理,只不過要突破某啲關口其實除咗盡自己嘅本分之外,好多時真係要好睇公司本身嘅發展空間。要更上一層樓好多人會選擇去轉工,但係當人去到某個年紀嘅時候,轉工未必係一個最好嘅選擇。當然打工都有風險,因為幾大嘅公司,幾歷史悠久嘅公司都會有裁員嘅一日。唯一嘅工作係唔會俾人裁嘅話,當然就自己打自己工。

獨角獸


個人分享
Tagged With: , , , , , , , , ,

每個人創業都有唔同嘅目的,有啲係因為想自己唔想打工,有啲係因為自己唔想受氣,有啲係因為覺得做老闆好型,有啲係因為失業而被逼創業,有啲係因為想退休仍然有好嘅生活,而當然有啲係希望搵好多好多錢。不過無論係咩嘢原因創業其實都唔緊要,因為創業係一個好好嘅人生體驗。如果每個人都總會覺得自己會成功,但係現實就係好殘酷,就算一間百年嘅企業都會有倒閉嘅可能性。所以世事係無絕對嘅!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。