茶餐廳

茶餐廳係香港一個重要嘅飲食文化,而茶餐廳前身其實叫做冰室。以前嘅冰室一般都係提供凍飲,雪糕,沙冰等,而且佢哋持有嘅牌照係小食牌,所以唔可以提供熟食。但係茶餐廳嘅牌照唔同,因為係食肆牌,所以可以提供更多種類嘅食品。基本上係香港真係好容易就搵到一間茶餐廳,而家有一啲就扮懷舊,將餐廳個名叫做冰室,就連啲裝修都參考香港五六十年代嘅風格。

蕩失路


個人分享
Tagged With: , , , , , , , , ,

每個人嘅人生都總會有行錯路甚至乎蕩失路嘅時候。人因為生唔係一張地圖,不過有起點同終點,但係我哋唔會有自動導航話俾你聽點樣行,與此同時亦都無地圖同指南針!所以點樣行其實無人話到俾你聽,當然沿途上會遇到好多人同事,有時係指路明燈,有時就令你更加迷失。好多時就算知道方向,只不過條路又未必咁易行,與此同時亦都只可以靠自己嘅能力撐落去。

漫畫書


個人分享
Tagged With: , , , , , , , , ,

細個嘅時候好多時都係睇卡通片,但係就唔知原來卡通片其實好多時都係因為有漫畫先。香港真係少咗好多淨係賣漫畫嘅商店,而最近期睇過嘅漫畫應該係進擊的巨人。當然唔同人有唔同嘅喜好,有啲鍾意睇美國嘅漫畫,有啲就鍾意睇日本嘅,當然仲有香港本地嘅漫畫啦!好多時漫畫都係虛構出嚟,不過有時亦都有啲係反映當時嘅社會文化,就好似大家熟悉嘅老夫子。

數科學


個人分享
Tagged With: , , , , , , , , ,

如果大家有睇過今集嘅財經透視,入面講到數據科學家!當然香港對嚟個行業仲未算係十分了解,但係入面講到數感嚟樣嘢。做咗咁耐數據分析,其實唔單止係要每日對住啲數字,與此同時要有好強嘅觀察力。因為要喺數字入面搵到有用嘅訊息係需要對數字敏感。嚟個技能係無辦法去培訓出嚟,好多時係靠經驗,與此同時亦都係一種天賦。所以數感唔係一啲可以靠讀書學返嚟嘅嘢!

廿五個


個人分享
Tagged With: , , , , , , , , ,

話咁快又一個月,好似啱啱先至同郭大少慶祝完生日無幾耐。好快佢就開始校園生活,原本以為佢咁癡我哋,點都會有啲分離恐懼症,點知嚟個小朋友竟然完全可以唔理我哋,自己去上堂。咁應該到真正開學嘅時候,相信唔會出現爆喊同難捨難離嘅情況。不過佢真係好鍾意返學嘅小朋友,有次出去食晏,點知佢一出門口就話要返學,但係嗰日係星期日邊度有學返嚟?

 
  • 耐力賽係香港要接觸賽車嚟項運動係一件極度困難嘅事!當然好多人都鍾意賽車,只不過香港就無咁嘅地方同條件去孕育賽車手。好多時要賽車就要去中國先至有正規嘅賽車場。之前係香港其實係有探討過係大嶼山興建賽車場,但係最終都被否決。但係邊個話香港人無能力係國際賽車賽事入面取得好嘅成績?香港都有好多職業嘅賽車手,只不過大家好少關注嚟方面嘅新聞啫!
  • 建築師記得中學嘅時候自己想做建築師,但係就唔記得乜嘢原因,而係外國讀書嘅時候其實係有一個星期比我哋去做工作體驗。當然嗰陣時就去咗一間建築公司返咗一個星期工,不過當然到最後都只係幫手影印文件啦。讀建築其實都幾辛苦,基本上所需要嘅時間同讀醫科差唔多,再加上經常無得瞓,所以最後都無向嚟個方向發展。其實講到尾自己都係鍾意設計多啲。
  • 有嘻哈好多時做巿場推廣,品牌都會顧及自己嘅形象。不過有時自嘲一下真係無妨,就好似「譚仔」同「100毛」合作嘅一條新片。《譚仔有嘻哈》係一套勵志劇?而除咗有粵語同英語之外,仲有譚仔話?吓唔知乜嘢係譚仔話?咁好明顯你無去過譚仔啦!有時品牌係需要大膽啲,當然就算自嘲都有可能係反效果,不過今次譚仔條片真係幾好笑!有時間嘅話不妨睇下笑下!
  • 再見了認識你應該有二十年,因為同你哋一班朋友嘅生活唔同,其實真係好少機會一齊玩。不過唔記得點解大家有一段時間有過深層次嘅交談。雖然生活同社交圈子唔同,不過睇住你拍拖,結婚,生仔,有一個美滿嘅人生嘅時候,兩年前一個大家都會震驚嘅消息令我覺得天意弄人!好多嘢都唔明白,好多嘢都唔公平!自你開始記錄你嘅經歷,你所寫嘅每一篇文章我都有睇完。