標題黨


個人分享
Tagged With: , , , , , , , , ,

相信好多人都曾經試過係網上面睇到一啲好吸引嘅標題,然後好自然就會㩒入去睇篇文。點知入咗去就發現中咗伏,根本同標題講嘅嘢係兩回事。當然而家係網上面有好多內容農場,佢哋一般都會用標題去吸引你去㩒入篇文章,目的係製造人流。人流多嘅話,廣告費就會相對提升。不過內容質素就不值一提,所以係網上面睇任何嘢都要睇清楚篇文嘅出處,因為啲標題有時真係幾過份!

動數據

依家真係乜嘢都講數據,就連漫畫入面嘅情節都變成數據,真係唔俾個服字都唔得。前幾日大家都應該有可能睇到一條短片關於「足球小將」漫畫入面嘅各種數據!老實講大數據就真係稱唔上,事關所謂嘅大數據嘅五大特點一點都無,因為其實佢哋係講緊九十二本漫畫入面嘅內容。不過要係漫畫入面咁多嘅細節,再整理資料,其實係需要一定嘅時間。所以都真係要俾個讚佢!

開完班

要做兩日嘅課程真係唔容易,尤其係內容安排同要照顧每位嚟上堂嘅期望。而今次係第一次完完整整,由頭到尾咁講完數據分析嘅流程,每一環會做嘅嘢,其實真係第一次。當然更加重要嘅係嚟上堂嘅朋友要同公司申請兩日嚟,真係感激!過去嗰幾日真係為咗整理教材真係無乜點瞓,對精神需求真係好大。希望如果下次再搞嚟個課程會做得更好,如有不足,多多包涵!

做分享


個人分享
Tagged With: , , , , , , , , ,

「分享」

好多時都會有人無啦啦打電話嚟話有乜嘢講座想搵你做分享。尤其係年尾,好多講座同培訓課程,所以特別多咁嘅邀請。當然好多時我聽到啲人搵自己去分享數據分析有關嘅題材我都會有興趣,只不過年尾真係太多咁嘅邀請,但係有時一啲同數據無關嘅邀請就要諗下去唔去。事關做分享唔係問題,只不過真係邊有咁多時間去準備咁多嘢。當然你可以話用啲講過嘅題材,但係有時真係唔得。

需父幹


個人分享
Tagged With: , , , , , , , , ,

「父幹」

今日係網上面睇到一間公司做內容推廣,而佢嘅手法都幾特別。因為佢嘅對象係一班父母,而啲內容亦都做得唔錯。但係令我令意到嘅其實係一位朋友嘅動態內容,「今時今日,爸爸不易做,要做好爸爸更難。各位爸爸,大家努力、加油!」同佢分享嗰條「成長需父幹」嘅短片。而佢句我覺得好百搭,因為可以將「爸爸」改成「媽媽」,「老公」,「老婆」,「老闆」,等等。。。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。