暗數據

或者好多人都未聽過乜嘢係暗數據,其實嚟啲數據係一啲非結構性嘅數據,表面睇落好似無乜嘢價值,但係當佢哋連結起嚟嘅時候,佢哋嘅價值分分鐘比起一啲大家覺得有用既屬於更加有用!就好似一啲人睇落好似好唔正常,但係只要有地方俾佢哋發揮嘅時候,佢哋往往做出比大家認為正常嘅人更好。而暗數據係一個仍然未被開發嘅領域。因為大部份嘅人只會分析自己熟悉嘅數據,事關可以講到一個漂亮嘅故事!

道德線


個人分享
Tagged With: , , , , , , , , ,

道德係指衡量行為正當嘅觀念標準。唔同嘅對錯標準係特定生產能力,生產關係同生活形態下自然形成。一個社會一般有社會公認嘅道德規範。只涉及個人,個人之間,家庭等嘅私人關係嘅道德,就叫做私德。而涉及社會公共部分嘅道德,就叫做社會公德。道德同文化有密切關係,雖然人類嘅道德係某啲方面係有共通性,但係不同嘅時代,不同嘅社會,往往有一啲不同嘅道德觀念。

長青文


個人分享
Tagged With: , , , , , , , , ,

一般去簡單分割網上嘅文章都會係突發,正常,長青嚟三大類別。而好多人當然係希望可以寫到一啲長青嘅文章,因為唔會過時之外,亦會對整個網站帶嚟穩定嘅流量。其實點解要寫文章,原因係一個網站如果要俾搜尋器搵到,而且覺得有價值,其實係要好靠內容去帶動。文章就自自然然變得好緊要,因為搜尋器係讀字嘅機器,如果唔夠字嘅話咁就好難俾搜尋器搵到。當大家覺得無用嘅時候,其實係大錯特錯,因為網站同文章先至係最佳拍擋,如果唔係真係鬼搵到你咩!

曬陳皮


個人分享
Tagged With: , , , , , , , , ,

陳皮即係柑皮,係用熟咗嘅柑曬乾或者人工烘乾而成。而點解要叫做陳皮?因為陳皮就好似紅酒咁,要擺係度越來先至越好,所以就叫做陳皮。陳皮亦都係一種好重要嘅中藥,可以用嚟煮食或者用嚟做零食。陳皮含有橙皮甙,類檸檬苦素,揮髮油,維生素等成分。而陳皮具有燥濕化痰,理氣和中嘅功效。陳皮亦係「廣東三寶」之一,而最出名嘅陳皮係出產自廣東新會嘅大紅柑。

論成功


個人分享
Tagged With: , , , , , , , , ,

成功嚟兩個字應該係每個人嘅人生入面不斷出現。要成功有好多途徑,但係首先乜嘢係成功先?一個人嘅人生點先至算叫做成功?成功大學畢業,成功搵到份工,成功買到層樓,成功搵到個老婆,成功湊大小朋友,等等都應該係每個人聽唔少嘅嘢!不過你又點樣定義成功?其實成功好睇自己嘅價值觀,而好多時成功嘅定義係主流社會嘅定義。如果社會價值扭曲,成功嘅定義亦都會扭曲!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。