法與治

「價值」

我相信每個香港都認同嘅核心價值就係「法治」。法治係一個法律原則,係指在社會中,法律係社會最高嘅規則,有凌駕一切嘅地位而不得輕慢。我亦相信「依法先可治國」,而「政府」的行為必須係法律許可。「狹義」嘅法治認為法治本身並不包含「公正」,但為人提供一個尋求公正嘅法律框架同程序,依據法律治理事情。「廣義」嘅法治擴展了狹義嘅概念,內涵包括保障人權及各種自由等基於法治嘅個人實質權利。

一個月

「開心」

唔經唔覺今日已經寫 Blog 寫咗一個月。寫寫下都唔只一日三百字,仲要一個星期寫足七日。其實無諗過可以寫咁多嘢,希望可以堅持落去,繼續將自己嘅感受一一記錄。好開心個 Blog 有人睇,我亦堅持非必要嘅交流,嚟個亦都係個 Blog嘅原意。所以再重申本,「不喜勿入」,「言而不論」嚟個原則。如果你鐘意,一個 Like, 一個 Share,而足夠。

雨感受

「目的」

睇完個「對話」同之前同唔同嘅集會人士傾偈嘅時候,發覺好多人對「雨傘運動」有唔同睇法同感受。所以衍生咗個諗法就係收集大家對「雨傘運動」嘅感受再一一分享。希望多啲人明白多啲,亦希望用另一種方法去抗爭。好希望嚟個計劃可以成事,幫我哋創造嘅歷史做一個見證同記錄。如果夠多分享嘅話,我想去出一本書俾大家!

言無信

「無言」

個政府係過去個十幾日不斷打「輿論戰」,係咁用唔同嘅數據去話俾大家聽嗰班集會人士對個社會有啲嘜嘢負面影響,真係佩服!我真係想睇吓有冇啲 Historical Data 或者 Open Data 可以拎嚟做分析,比較吓冇集會嘅時候係點。不過點都好,我都未必信佢哋啲數據,因為都唔知點收集返嚟!

輿論戰

「輿論」

由一開始,整個活動都係玩緊「輿論戰」。由傳統媒體到新媒體都不斷發布唔同嘅信息令大家好難判斷邊樣啱邊樣唔啱!咁聽同睇啲乜先真?過咗十日我都係嗰句喇,信自己最實際。雖然無辦法時時刻刻親身到現場,但係落去睇吓點都真係真實啲!去到嚟一刻,我只可以講最好消化吓同諗吓先至決定做啲乜。要理性分析好難,但係無論如何用任何暴力已經超越人類對和平嘅定義同低線。唔係仲要質疑呀?

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。