接班人


個人分享
Tagged With: , , , , , , , , ,

人越大就越會諗,究竟邊個可以接替自己嘅工作崗位同多年辛苦建立嘅嘢。搵接班人唔係一件容易嘅事,因為好多時唔係淨係信任咁簡單。要接班其實需要有同樣嘅理念,就算做嘢方法唔同,但係唔緊要。一間公司,一個團隊,係要靠一個共同嘅信念同環境先至可以一直行落去。就好似一啲百年老店咁,佢哋嘅根係唔會變,變嘅都係因為市場嘅改變,年代嘅改變,但係核心價值係唔會變。

進退難


個人分享
Tagged With: , , , , , , , , ,

創業每日都好似係度玩緊攻防戰,有時要進攻,有時要防守,但係有時又會係一啲膠著狀態,真係進退兩難。尤其係守業嘅過程,想進又進唔到,想退又退唔到,唯一嘅方法就係搵第二條路。不過無人知第二條路又會係點,所以就會不斷搵唔同嘅路,不斷搵希望搵到不斷向前嘅方案。只不過人生有幾多時間可以不斷發掘,不斷開拓,不斷嘗試?

再嚟過

「創業」

做任何生意其實都有一個週期,正所謂創業難,守業更難。依家創業雖然真係比起十幾二十年前相對容易,但係十個創業真係九個可以捱過兩年。都唔好話要賺錢,唔死已經係算好叻!而今時今日有好多傳統行業都面對市場嘅改變,慢慢邁向夕陽。好彩嘅就可以轉型成功,穩守多年嘅基業,唔好彩嘅就慢慢被淘汰。所以幾時都要有幾手準備,因為你唔知幾時會被淘汰!

背棄了


個人分享
Tagged With: , , , , , , , ,

「理想」

每個人都會有自己嘅理想,而理想當然係會隨住大家嘅年紀同經歷改變。雖然有時理想同現實係可以好脫節同好離地,而且有啲人亦會因為生活嘅壓力而放棄自己嘅理想,但係到最後至少核心嘅價值觀係唔應該改變。如果有日你唔單止改變自己嘅理想,甚至乎連最核心嘅價值觀都改變埋,咁當初大家認識嘅你真係當初嘅你嗎?到咗最後大家只會唾棄你,離棄你。有時何必呢?

隨心行

「潮流」

啱啱係 Facebook 見到朋友 Post 咗編關於 2015年 Digital 工作中最潮嘅頭五位嘅工種。當中有我一直堅持去推動嘅「數據分析」相關嘅職業。睇完嘅時候當然開心,因為堅持咗咁多年,一直相信「數據分析」係一個相當有前景嘅行業。回想起七,八年前一個無人識嘅職業到變成潮流嘅尖端,真係唔易。不過潮流亦會變成危機,令整個行業崩潰。就好似科網爆破咁,一去不返!

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃!
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先?