原動力


個人分享
Tagged With: , , , , , , , , ,

人要成功就需要有目標,而要達成目標就需要有動力,所以動力係成功嘅源頭。如果無咗動力嘅話,其實就好難達成目標,最終只會失敗收場。所以動力係好緊要,要有動力先至會成功。當然每個人嘅成功標準都唔同,有啲係簡單嘅,有啲係複雜嘅,只不過所有嘢都係要有動力先至做得好。如果有一日你失去咗動力嘅話,相信係應該改變自己嘅時候,或者試下改變目標或者自己成功嘅定義。

好關係


個人分享
Tagged With: , , , , , , , , ,

點樣先至快樂?當然有時聽森美小儀嘅早霸王唔止係為咗星期五嘅環節,其實好多內容都好有趣。今日聽到森美佢哋講關於美好人生嚟個題目,而係節目入面提及一段良好嘅關係會影響好多嘢。每個人都有唔同嘅關係,當中包括家庭,朋友,學業,事業,夫妻,子女,等等,而森美所指嘅研究係由哈佛大學經過長達七十五年嘅研究。咁點樣先至係快樂呢?

捱過去


個人分享
Tagged With: , , , , , , , , ,

唔捱過係唔會成長!逆境係難,但係捱得過就係另一個世界。當然唔係個個人都承受到嗰種壓力,而經歷過嘅人就會明白所有嘢唔係理所當然,人生嘅高低起跌係一種考驗!路係自己揀嘅,結果亦都係應該自己去承擔,就算到最後都係注定失敗嘅話,最起碼自己經歷過。以為自己已經捱過最差嘅時候,點知今年係人生入面最難捱嘅一年。多謝相信我嘅朋友們,感謝有你地嘅信任同支持!

放得下


個人分享
Tagged With: , , , , , , , , ,

人一生最重要嘅一樣嘢就係要學識點樣放得低,因為人出世嘅時候係乜都無,離開嘅時候亦都係乜都無。當然人天生係執著,要經歷唔同嘅磨練先至會學會放低。而如果要放低以下十樣嘢嘅話,你又會放得低幾多?當中包括:抱怨,過去,煩惱,自我,脾氣,懶惰,消極,妒忌,猶豫同貪念。人生要活得輕鬆自在唔係一件易事。學識逐一放低其實先至會活得開心。

別執著


個人分享
Tagged With: , , , , , , , , ,

相信每個人都有自己嘅執著,有時某啲執著係好事,因為執著所以堅持,而堅持先至會成功。只不過有時執著亦都會變成絆腳石,所以好多時會反問究竟點解要執著。凡事都有兩面,所以好視乎你嘅執著係啲乜。執著可能係一個自我嘅要求,只不過過份執著又會被人視為頑固。因此點樣看待執著好睇個人,有時放低執著或者會令自己放鬆啲,開心啲,唔好因為執著而令自己陷入困局。

 
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先?
  • 搭巴士香港人好依靠公共交通工具,尤其係巴士。有時揸車嘅時候真係會遇到一啲罔顧乘客安全嘅巴士司機。近年真係發生咗唔少嘅巴士意外,有啲都幾嚴重。作為一間巴士嘅營運商,聘請巴士司機嘅時候應該係要非常嚴謹,除咗要有定期嘅評核之外當然亦要給予足夠嘅培訓比車長。講到尾,一架載滿人嘅雙層巴士有一百人以上,如果出現意外嘅話係會造成嚴重嘅傷亡!
  • 大風雪雖然以前住大連嘅時候,冬天落雪係好正常,不過真係好多年無去過落雪嘅地方。一般落雪嘅地方都會有暖氣,所以其實係室內都唔會太凍。不過一出去就會凍到變雪條!最記得有一次去芬蘭工作,因為大風雪搞到班飛機遲咗一個鐘頭先至降落,一落機先知到真係好誇張,應該係咁多年遇到嘅最大風雪。不過落雪真係好靚,白濛濛一片真係好舒服!