再進化


個人分享
Tagged With: , , , , , , , , ,

人工智能嘅一個盲點就係需要人類嘅智慧作為基礎,然後透過不斷自我學習同優化而不斷進步。但係如果人工智能好似一個初生嬰兒咁,要從一張白紙學識人類窮一生先至學到嘅嘢,究竟需要幾耐?恐怕個答案會好驚人。到最後其實人工智能再唔需要人類嘅智慧就已經可以不斷進化,而亦都因為咁人工智能係有必要被規管。如果有一日人工智能失控嘅話,後果真係可以非常嚴重。

港收入


個人分享
Tagged With: , , , , , , , , ,

究竟點解有咁多年輕人會走去做金融保險或者房地產?其實好多時唔係為興趣或者夢想,而係為咗一份可觀嘅收入。如果二十年前一個大學畢業生嘅人工係一萬蚊,而二十年後亦都係一萬蚊,咁究竟佢哋係唔係一樣搵咁多錢呢?其實年代已經唔同咗,市場物價又唔同咗,今時今日隨便食個飯都起碼要五十蚊,老實啲講,莫講話通脹都跟唔到,就算同樣嘅人工又點,變相則係搵少咗!

雞定蛋


個人分享
Tagged With: , , , , , , , , ,

好多時我都會話雞先定蛋先,因為數據就係咁。要利用數據就先要收集數據,要收集數據就先要有明確嘅目的,要有明確嘅目的先要知道點解要利用數據。無數據就無得分析,所以又係一個雞同雞蛋嘅問題。但係唔知點解而家係又大數據,唔係又大數據,個個都只係得個講字,而究竟有幾多人真係認識大數據嘅應用,真係好難講。究竟係學術層面,定係商業層面?講到尾係要解決到問題先至得!

人機戰


個人分享
Tagged With: , , , , , , , , ,

人工智能係好多公司夢寐以求嘅技術,雖然仲係起步階段,但係一場圍棋嘅比賽到底將人工智能推到去一個一個乜嘢嘅新嘅階段?雖然有不斷自學嘅能力,但係人工智能仍然仲有好多地方需要學習!因為將圍棋雖然係千變萬化,但係仍然有一定嘅規則要遵守。所以其實仍然係一個預設嘅空間去計算同模仿人類嘅思考模式。雖然谷歌揚言唔會利用人工智能嘅技術係軍事用途,但係人工智能唔係谷歌嘅專利,所以都好難去規管!

誰怕誰


個人分享
Tagged With: , , , , , , , , ,

正當好多人討論人工智能嘅發展嘅時候,當然有支持亦都有反對嘅聲音。人工智能基本上係將人類嘅智慧數碼化,再運用程式去不斷學習,然後再作出最好嘅決定。而另外一樣嘢就係要靠硬件去同人互動,例如機械人。其實大家最怕嘅應該因為電腦係二十四小時唔使休息,有無限嘅資訊同記憶,所以如果有人利用咁強大嘅智慧去破壞社會安寧嘅話,其實真係同好多電影橋段無分別。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。