年尾了

今年見到好多人回顧二零一六年都話今年好多嘢都唔係太好。當然我都有同感,因為生活同工作嘅各方面都唔係太如意。點都好,今日係今年嘅最後一日,所以都係要為今年作一個總結。今年年頭搬咗屋,一家人換咗一個新環境,每日大家嘅焦點都係郭大少。今年同郭大少去咗三次旅行,分別去咗沖繩,蘇梅,同九州。而今年大部份嘅時間其實都係放咗係佢度,因為希望可以同佢一齊成長!