大連市


個人分享
Tagged With: , , , , , , , , ,

唔知有幾多人知道大連市係邊,最起碼十幾年前我真係連嗰名都未聽過。只係因為澳洲舊老細話有個位係大連,要一個人去管理一個新嘅團隊,所以就有前無後咁應承咗佢去大連。原本諗住只係去兩年攞經驗,點知一去就五年,不過亦都係事業發展得最快嘅五年。唔經唔覺真係離開咗近十年,一直都無機會再返去。事關都真係幾遠,而每一都只係得一班機係香港飛大連。

國歌法

或者我真係孤陋寡聞,真係唔知全球有幾多國家有國歌法。而國歌法其實係國際上並非主流,再上網搵下,原來只有少數國家例如日本同馬來西亞都有所謂嘅國歌法。國歌係一個國家嘅象徵,如果一個國家嘅人民認同自己嘅身份,而且亦都會感到自豪嘅話,其實又使乜嘢立法呢?咁係唔係代表其他國籍嘅人都要遵守?如果唔識唱國歌嘅話係唔係就代表唔專重?

九寨溝


個人分享
Tagged With: , , , , , , , , ,

九寨溝位於青藏高原東南面嘅尕爾納山峰北麓,主要由岷山山脈中呈丫字形分布嘅日則溝,則查窪溝,樹正溝三條溝谷所構成。海拔係二千米至三千一百零六米之間,屬世界高寒喀斯特地貌。總面積大約六百二十平方公里,大概有百分之五十二嘅面積係俾原始森林所覆蓋!期間夾生箭竹同各種奇花異草,亦都有好多唔同種類嘅野生動物係森林入面棲息,例如大熊貓,金絲猴,白唇鹿等等。

點樣檢

一地兩檢係指抵達地同出發地嘅邊境管制人員於同一地點或同一運載工具,分別辦理跨境旅客嘅出入境同檢疫等手續。香港政府表示高鐵嘅一地兩檢嘅實行方式會同香港政府係深圳灣口岸嘅模式相似。深圳灣口岸係目前內地同香港之間唯一實施一地兩檢嘅口岸,香港政府向深圳租用土地作為口岸,係深圳境內實施香港法律。而香港西九龍高鐵站嘅入境層同離境層嘅部分區域同月台都係屬於內地口岸區。

遼寧艦

遼寧艦係由前蘇聯航空母艦瓦良格號改建而成。因為當年蘇聯解體,俄羅斯因為經濟問題無法同烏克蘭達成繼續建造嘅協議,瓦良格號正式退出俄羅斯海軍編制。俄羅斯拆除部分裝備之後就以償還債務嘅名義將瓦良格號交予烏克蘭。之後烏克蘭將瓦良格號出售,而中國當時就已二千萬美金買咗瓦良格號同三十幾萬張設計圖。直至二零零二年嘅三月先至到達大連港。

 
  • 要敢做雖然而家係數碼年代,而廣告亦都分為傳統同數碼兩派。但係做廣告係需要創意,唔係樣樣嘢都只係求回報。我之前亦都講過,數據唔係萬能,而如果太過依賴數據去營運嘅話,基本上係無創意可言。廣告除咗要有創意之外,亦都需要膽量去做。當然有時有啲廣告會太過前衛,引起社會爭議!只不過創作就係咁,唔可以下下都為咗討好市場而做,有時真係要鼓起勇氣踏出一大步。
  • 人揀你而家有好多嘢都唔係話你想點就點,睇落你好似有得揀,但係實際係無得揀。點解?因為唔係你揀人而係人揀你。讀書係學校揀人,搵工係公司揀人,搵生意係客戶揀人,樣樣嘢都係人哋揀你。咁有乜嘢係自己揀?其實就算俾你千揀萬揀,揀完之後人哋話啱嘅話,最後你都無計。當然有時係要檢視自己做選擇嘅時候究竟有啲乜嘢條件係必要,有啲乜嘢只係有會好啲但係非必要,如果唔係其實只係自己開嘅條件太過苛刻。
  • 最後的終於都到咗送你最後一程嘅日子,再唔捨得都要同你講一聲再見。你突然嘅離去其實依然仍未完全接受,希望你去到世界嘅另一端繼續開開心心咁過每一日。咁多年嚟都無送過啲乜嘢俾你,希望最後嘅一份禮物你會鍾意。雖然心情依然沉重,但係見到你安祥,見到你微笑就已經足夠。我會記住你講嘅每一句說話,唔需要擔心我。你永遠都會係我心入面,永別了我最愛嘅爺爺!
  • 秋風起以前嘅香港,四季分明,但係近年就好似無咗春天同秋天咁。話熱就突然熱,話凍就突然凍。太陽落山雖然開始早,六點鐘已經開始黑,但係天氣就好似夏天咁。記得以前細個返學係會教春夏秋冬,而家啲教科書係唔係已經唔需要再教春秋嚟兩個季節呢?如果繼續咁落去,相信香港真係好快再唔會有春秋,只會有冬夏!雖然話鍾意夏天啫,但係今年真係太熱了!