喬布斯

相信好多人都討論緊蘋果嘅產品發佈會,而大家嘅焦點一定係第十代嘅蘋果手機。當然第八代只係七代嘅升級版,咁到底會唔會有第九代?定係之後直接叫第十一代?不論係點,其實都只係一個名者!而其實最吸引我嘅目光係蘋果個新大樓,因為嚟個係喬布斯生前嘅另一個項目,亦因為蘋果手機推出市場嘅第十個年頭,所以個發佈會係新嘅喬布斯劇場面世係有雙重意思!

國殤日

香港嘅和平紀念日原先都係每年嘅十一月十一日,而亦係為咗紀念第一次世界大戰結束重歸和平。不過自一九四五年之後就改為十一月嘅第二個星期日。回歸前香港總督同政府官員都會係中環和平紀念碑紀念第一次世界大戰同悼念陣亡戰士。回歸之後,香港就以佛誕假期取代香港重光紀念日,紀念活動合併一起在和平紀念日舉行。紀念儀式沿用英聯邦儀式,包括奏起《最後崗位》,並默哀兩分鐘。

擴視野

「封閉」

一個封閉嘅人同一個封閉嘅社會,眼光只會注意當前嘅事同物,而往往忽略咗嚟個世界其實係好大。最大嘅問題係慢慢活係自己嘅世界,以為所有人都係圍繞自己不斷旋轉。自我同自大嘅問題日趨嚴重,情願人哋負佢好過自己負人。甚至因為一己嘅利益而罔顧其他人嘅權利。所以要踏出自己嘅安全網,去了解其他地方嘅風土人情同生活文化!

頂唔順

「聲明」

唔好意思!今日我有感而發!首先講明我嚟編文係我呢一刻嘅個人感受!不喜勿入!你要睇我阻止唔到,我亦不會評論!請大家用自己嘅角度去思考下。首先我越來越覺得我哋呢班香港人係唔係有啲自視過高而忘記咗自己嘅身份?因為我開始頂唔順某一部份嘅香港人,唔係淨係講邊個年代,而係講整體!由道理變歪理都見怪不怪,過份偏激同矯枉過正先係大問題!

講歪理

「歪理」

近排越嚟越聽得多一啲以為自己講緊道理嘅歪理。係呢個世界變咗?定係我哋老咗唔明依家個世界嘅人諗乜?點解有啲人覺得自己講嘅嘢係大道理,仲要聲大夾惡,以為自己好啱,但係其實係一大堆歪理!真係抓爆頭,點解啲後生可以咁理直氣壯講一啲好似好啱嘅理論?定係價值觀唔同咗?有時聽到真係覺得好好笑,同時真係想鬧爆佢哋!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。