兩歲啦


個人分享
Tagged With: , , , , , , , , ,

兩年前嘅今日有一位小朋友嚟到嚟個世界。從此我嘅人生再不一樣,我嘅生活都因為你嘅出現而改變咗好多。不經不覺做咗你爸爸兩年,唔知係你眼中我嚟個爸爸係點呢?雖然你開始踏入茶煲嘅階段,但係可以睇住你成長已經係一件好幸福嘅事,因為幸福唔係必然。我只係得一個好簡單嘅要求,就係你有一個開心快樂嘅童年!希望你長大之後會有機會睇返今日我寫嘅嘢啦!

速成班

過去幾個月都係比較專注係開班教分析數據嘅業務,當然係因為之前有好多人都問我邊度有堂上。雖然已經行咗一排,不過係唔同嘅地方都見到有其他公司都有開唔同類型嘅課程,有時亦都會諗大家嘅定位有啲乜嘢唔同。我相信最大嘅分別係宣傳手法同課程嘅價錢定位,而好多時見到佢哋最常用嘅字就係速成!咁明白嘅,因為香港人忙所以樣樣嘢就當然希望學完就用得,只係現實同希望係兩回事!

迴旋處

當然唔係個個都識揸車,就算有啲識揸車都未必日日揸。但係只要你揸過車嘅話都應該一定會經過迴旋處,只不過香港真係有啲奇怪,事關香港有兩種迴旋處。你知唔知道香港有一種迴旋處佢就叫做傳統式嘅迴旋處而另一種就叫做螺旋形迴旋處。咁兩者有乜嘢分別?點解揸咗咁耐車嘅人都唔知點樣正確使用迴旋處?其實兩者都真係有少少唔同,不過好少人會留意。

要認輸

數據係一樣好冷血嘅嘢,而要利用數據去做商業決定嘅話,咁首先就唔好質疑數據,除非啲數據係收集嘅過程就已經出錯咗!如果唔係分析完結果之後,好多時就會出現輸打贏要嘅局面。因此要用數據去營運一間公司嘅話,首先當然要確保數據嘅準確性。無人可以話你所收集嘅數據係百分百準確,因為事實上係好難,只不過如果選擇利用數據就應該尊重個結果!

搞派對

每個小朋友都會搞過生日會,而我哋上年無幫郭大少搞,只係叫咗屋企人同佢哋一齊慶祝。今年我就想幫佢搞返個生日會,等佢開心下。因為郭大少好鍾意巧虎,整個生日會嘅主題都係用巧虎為主。而老婆真係好厲害,因為佢訂咗好多巧虎嘅佈置同生日蛋糕俾郭大少!如果你問我真係唔知係邊度可以搵到咁多巧虎嘢返嚟。有時不得不佩服淘寶嘅強大之處!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。