養青蛙


個人分享
Tagged With: , , , , , , , , ,

相信好多人都會討論近期一隻大熱嘅電話遊戲《青蛙旅行》,但係點解咁多人講嚟隻遊戲呢?究竟佢點解會咁紅?甚至乎報紙都有報導?其實玩法就真係好簡單,首先就係要收集啲三業草,然後就買唔同等級嘅糧食同裝備,之後就等青蛙去旅行。佢可以一去就幾日,你開隻遊戲出嚟都只係為咗收集三葉草。而唯一期待嘅就係隻青蛙寄返嚟嘅明信片!

無人店


個人分享
Tagged With: , , , , , , , , ,

亞馬遜推出嘅首間無人商店 Amazon Go 係當地時間一月二十二日正式營業。Amazon Go 位於亞馬遜西雅圖總部,而店鋪佔地一千八百平方英呎。店舖為消費者提供日常生活雜貨,飲品同飯盒等。顧客只需要係入去店鋪嘅時候掃瞄一下手機,店鋪就可以透過大量嘅監控鏡頭同感應器,追蹤顧客手上嘅商品,並係顧客離開時自動由客戶嘅亞馬遜帳號中結算。認真方便快捷!

複雜性


個人分享
Tagged With: , , , , , , , , ,

好多人都低估咗數據分析嘅複雜性!複雜嘅原因未必係因為你有好多數據,而係究竟知唔知道點解要收集數據同收集返嚟之後究竟點樣去用。雖然話數據科學家係要係海量嘅數據入面搵一啲有用嘅訊息,但係決定性係在於當初啲數據係點樣收集返嚟。如果一開始啲數據就已經係錯甚至乎唔知點解要收集嘅話,其實都唔需要分析都知道最後都係會得個吉,浪費時間。

影響性


個人分享
Tagged With: , , , , , , , , ,

相信好多人買嘢之前都會做好多資料搜集,不論係貨品嘅規格,設計,技術,價格,用戶口碑等等,先至會決定買唔買。要搵到嚟啲資料真係好容易,就算自己唔花時間去搵,只要你上社交媒體問一問,相信都會有好多朋友會回應你嘅問題。傳統銷售都係好睇嗰個推銷員嘅推銷能力,唔會好似依家咁可以上網睇晒所有資料,基本上一落到鋪頭就知道要乜!

兩歲半


個人分享
Tagged With: , , , , , , , , ,

唔經唔覺由港島東搬咗嚟新界西兩年,當初都係希望郭大少有多啲地方走動同空氣會好啲。雖然從來未住過九龍同新界,而家就慢慢習慣咗。不過又開始諗郭大少讀書嘅嘢,所以又係時候諗下係唔係要搬去第二度。今時今日係香港讀書真係慘,但係無辦法個遊戲規則就係咁,如果政府同學校一日都唔改,最後唔係辛苦我哋嘅下一代,而係連父母都辛苦埋一份!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。