筆記簿

以前做嘢好多時我都會有一本筆記簿記,多數都係寫低自己嘅諗法。唔知幾時開始嚟個習慣唔見咗!雖然自己都有幾本筆記簿,但係真係少用咗好多。本本都用唔晒,但係入面寫嘅嘢,好多到今時今日都仍然有用。有時真係貪方便,用電腦去寫低啲嘢,但係通常寫完就好少再睇返,有時甚至唔知個文件去左邊。而家啲記憶力真係好差,好多嘢都真係唔記得,我諗都係時候要拎返本筆記簿出嚟用了!