好亂呀

唔知點解越嚟越對香港陌生,究竟係啲乜嘢問題?當然每一個社會都可以容納唔同嘅聲音,但係慢慢發現有啲人嘅思想同言論真係無辦法去理解。執法人員竟然知法犯法,但係佢哋竟然係受害者,需要幫忙?我有無聽錯?會唔會因為佢哋濫用私刑,所以導致今日嘅結果?今次有可能係咁啱俾人影到,但係現實又有幾多係大眾睇唔到?咁警察同黑社會有啲乜嘢分別?

雨過後

「雨傘」

今日係雨傘運動嘅一週年,相信好多人都唔會忘記嚟一日。對於香港嚟講,係一個歷史嘅日子。其實到咗呢刻我都唔係太相信香港政府竟然係一年前出動防暴警察去驅趕手無寸鐵嘅市民。而經過咗七十九日嘅雨傘運動,香港人最後得到啲乜?其實係政制上冇乜大嘅改變,就算最後政改因為建制派嘅蝦碌事件導致無法通過,好多香港人其實仲未醒覺。當然會唔會再有同樣嘅抗爭?我諗好難再有咁嘅機會。

七月一

「回歸」

唔經唔覺香港已經回歸咗十八年!所謂嘅五十年不變係唔係真係無變過?如果你問我,我會同你講變咗好多!就算只係返咗嚟好幾年,但係已經感受到個變化。雖然話自己都係內地生活過五年,但係香港始終係香港,係應該有自己獨特之處。香港原本有嘅優勢慢慢流失,而一個健全嘅社會係應該有多元化嘅發展。不過回歸之後就樣樣嘢都一步一步倒退。

「雨。感受」131

「點解」

其實,本人原本都不是一個十分熱衷政治的人,但自從港視、國教、白皮書事件後,眼見社會不公平的事愈來愈多,公義不能伸張,中央以一個有篩選的選舉來作稱為「真」普選,完全侮辱香港人,站出來,為的只是兩個訴求!一:我要真普選!二:公義!

 
  • 做博客而家做博客其實真係好簡單,簡單到一個人隨隨便便係網上面寫啲嘢就話自己係博客。好多公司會搵博客去唔同嘅地方參加或者體驗唔同嘅產品,然後就希望博客係自己嘅博入面分享下。當然有啲係有錢,有啲係無錢,亦都有啲係邀請你去某啲私人活動。自問就真係冇做博客嘅條件,寫嘢都係因為個人嘅興趣,想了解文字與數據嘅關係,而最緊要係記錄生活嘅點滴。
  • 領導者領導係帶領嘅意思,如果只係一直跟從別人嘅指令去工作嘅話,其實毫無領導可言。而一個成功嘅領導者通常都具備以下嘅五樣特質,當中包括:決斷能力,有同理心,承擔責任,保持樂觀,專注向前!當然領導者亦都有唔同嘅類型,係唔同嘅環境入面會發揮不同嘅作用,所以有時唔係領導者嘅問題而係領導嘅方法未必適合某啲公司嘅文化。用人唯才先至係管理同領導上策!
  • 放得下人一生最重要嘅一樣嘢就係要學識點樣放得低,因為人出世嘅時候係乜都無,離開嘅時候亦都係乜都無。當然人天生係執著,要經歷唔同嘅磨練先至會學會放低。而如果要放低以下十樣嘢嘅話,你又會放得低幾多?當中包括:抱怨,過去,煩惱,自我,脾氣,懶惰,消極,妒忌,猶豫同貪念。人生要活得輕鬆自在唔係一件易事。學識逐一放低其實先至會活得開心。
  • 你可以早前睇到一位朋友分寫咗一篇文章,睇完之後有點當頭棒喝嘅感覺。我哋係嚟個城市,嚟個世代生存,每個人都好努力咁為生活而奔跑。當然世界會變,而好多時亦都因為大家成長嘅年代唔同,亦都經常以一副我食鹽多過你食米嘅態度,慢慢覺得一代不如一代。但係我哋曾幾何時亦都俾上一代給予同樣嘅批評?只係時代唔同咗,與其抱怨社會只會越嚟越差,但係點解又唔諗下點樣令佢變好呢?