數據先


個人分享
Tagged With: , , , , , , , , ,

「低估」

好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!

「數據」

其實要利用數據去營運業務,最重要嘅係要知道幾時要收集數據,點樣收集數據同點樣利用數據。而過去咁多年遇到嘅公司都有同一個問題就係啲數據係點樣收集返嚟。即時想問,其實都無人可以解釋到。因此收集數據之前,要知道點樣收集數據嘅功夫係唔少得。只不過偏偏啲公司就唔最重視嚟一個環節,引致到最後有數據都變成無數據。當發現嘅時候就已經太遲了。

「重要」

有時真係想利用數據去幫啲公司解決問題,只係每次都因為所收集嘅數據同實際想要嘅數據有一定嘅出入,導致解答唔到佢哋嘅問題。最壞嘅情況就係要重新設計過整個數據所集嘅流程同系統,而過去所收集嘅數據頓然變成一堆垃圾。如果管理層仍然覺得數據依然係整間公司未來策略嘅最低重要性嘅話,相信好快佢哋就會遇到問題。所以數據係應該討論策略嘅時候就已經包含係入面。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]
  • 搭巴士香港人好依靠公共交通工具,尤其係巴士。有時揸車嘅時候真係會遇到一啲罔顧乘客安全嘅巴士司機。近年真係發生咗唔少嘅巴士意外,有啲都幾嚴重。作為一間巴士嘅營運商,聘請巴士司機嘅時候應該係要非常嚴謹,除咗要有定期嘅評核之外當然亦要給予足夠嘅培訓比車長。講到尾,一架載滿人嘅雙層巴士有一百人以上,如果出現意外嘅話係會造成嚴重嘅傷亡! Also published on Medium. Click to share on Facebook [...]