搭巴士


個人分享
Tagged With: , , , , , , , , ,

「巴士」

香港人好依靠公共交通工具,尤其係巴士。有時揸車嘅時候真係會遇到一啲罔顧乘客安全嘅巴士司機。近年真係發生咗唔少嘅巴士意外,有啲都幾嚴重。作為一間巴士嘅營運商,聘請巴士司機嘅時候應該係要非常嚴謹,除咗要有定期嘅評核之外當然亦要給予足夠嘅培訓比車長。講到尾,一架載滿人嘅雙層巴士有一百人以上,如果出現意外嘅話係會造成嚴重嘅傷亡!

「意外」

過多幾日就係農曆新年,而好多人都準備今個星期團年。不過一架載滿乘客嘅巴士由馬場駛往大埔嘅時候就發生咗致命交通意外!意外至今導致十九人死亡,六十六人受傷。見到架巴士嘅損毀程度就已經可以推測當時車速一定好快,而巴士公司係今次嘅意外係責無旁貸,點解可以聘請一個曾經因為危險駕駛而被定罪嘅人做車長?無論係點希望死者可以安息,受傷嘅市民可以早日康復!

「安全」

其實搭巴士相對比較安全嘅地方係下層,而好多時上層係比較危險,所以而家真係好少坐上層,就算係坐都坐後啲。事關因為出事嘅話,上層車頭位置係一啲保護都無!當然無人想遇到意外,但係如果係人為嘅話就真係好氣憤。好明顯今次係架巴士係超速而導致反側,係灣位之前好明顯無剎車嘅痕跡,個司機根本就係罔顧乘客嘅安全。真係希望以後唔好再有啲咁嘅意外發生!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]