實名制

「買飛」

返嚟香港咁多年都睇過好多唔同嘅演唱會,只不過要真係入到個系統而且買到飛嘅機率,除咗自己真係好好彩之外,其實大部份嘅時間都應該係登陸唔到。就算你想親身去買飛都未必買到,因為有好多黃牛黨同排隊黨,真係輪到你嘅時候都分分鐘已經賣完。所以係外國,為防啲人炒賣門票,佢哋就實施實名制。買飛嘅時候不但要規管數量,與此同時亦都要用實名登記。

「炒賣」

香港幾時先至可以簡單輕鬆咁買演唱會或者一啲熱門嘅飛呢?排隊唔緊要,但係你真係無可能好似啲黃牛黨或者排隊黨咁排通宵。只不過係想係香港有小小嘅娛樂,但係就係因為香港嘅演唱會同表現係無實名制,所以導致啲人買飛攞嚟炒!其實香港真係乜都有得炒,搞到一啲好想去欣賞表演嘅人無得睇之餘,而家仲要俾啲黃牛賺。而久石讓嘅音樂會竟然一張飛炒貴四五倍,真係認真誇張!

「機會」

真係無諗過有咁多人想睇久石讓,其實上年就已經有預售門票但係講開就今年先至有。其實有幾多人真係懂得欣賞或者真心去睇?老實講如果今次睇唔到都唔知仲有無機會可以睇到久石讓,因為佢都已經六十幾歲,如果再等真係唔知要等幾時。除非真係買張機票飛去第二度睇,不過亦都係有賣唔賣到飛嘅問題。好彩到最後都搵到飛,真係好期待可以係有生之年睇佢指揮!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]