電暖毯


個人分享
Tagged With: , , , , , , , , ,

「電毯」

唔知道有幾多人會用電暖氈呢?我諗每個人一諗起冬天要瞓覺嘅時候,要跳上一張凍冰冰嘅床,仲要張被都係凍冰冰嘅時候,真係會凍到騰騰震!而如果你用過電暖氈嘅話,相信以後你就可以同張凍冰冰嘅床講再見!因為張電暖氈係鋪係張床褥上面,所以會令到張被都暖埋。就算出面凍冰冰,一跳上床就會暖笠笠,又唔怕夜晚凍親。只不過到咗第二朝要起身就有點兒難度!

「冬天」

今年香港真係特別凍,連續一個星期都低過十度。香港嘅凍真係唔同,因為相對比較濕而且好多地方都無暖氣,而好多屋企其實都唔會有暖爐或者暖風機。所以相比起一啲會落雪嘅地方,就算只係十度,其實已經好鬼凍。但係點解香港今年會咁凍?原因係全球暖化令北極嘅溫度不斷提升,擾亂咗大氣環流,所以有機會令北面寒冷氣流持續南下,令香港度過一個比較寒冷嘅冬天。

「選購」

其實用電暖氈係有好多好處。從用電量嚟講,電暖毯相比起暖風機或者暖爐所耗嘅電量係低二十倍!而暖風機同暖爐會將整間房嘅空氣加熱,除了浪費電力之外,仲會令到室內嘅空氣非常乾燥。不過每逢有寒流襲港嘅時候,好多人都會第一時間去買暖爐,但係當你收到電費單嘅時候就知道大鑊!不過買電暖氈要小心,最好揀一啲大牌子,因為有好多都未必符合規格。


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]