養青蛙


個人分享
Tagged With: , , , , , , , , ,

「手機」

相信好多人都會討論近期一隻大熱嘅電話遊戲《青蛙旅行》,但係點解咁多人講嚟隻遊戲呢?究竟佢點解會咁紅?甚至乎報紙都有報導?其實玩法就真係好簡單,首先就係要收集啲三業草,然後就買唔同等級嘅糧食同裝備,之後就等青蛙去旅行。佢可以一去就幾日,你開隻遊戲出嚟都只係為咗收集三葉草。而唯一期待嘅就係隻青蛙寄返嚟嘅明信片!

「青蛙」

一隻手機遊戲要成功就當然要有玩家去推廣先至有用!無人講,無人分享就真係好難提高知名度。當然最重要嘅就係遊戲本身要易玩,有持續性,最緊要嘅就係需要提供俾玩家一種期待感。《青蛙旅行》其實滿足咗以上嘅三種要求,只不過好多人都會覺得無聊,有啲乜嘢好玩。唔知大家又會覺得養青蛙嚟隻遊戲點?不過相信嚟個熱潮好快過,因為每個遊戲都有一個自己嘅週期。

「模式」

一隻咁簡單嘅手機遊戲點解咁多人鍾意?其實好多人都無時間去玩遊戲,所以如果隻遊戲係一啲小遊戲,甚至乎好似養青蛙咁唔駛點理佢,好多人都會覺得相比起日日花幾個鐘頭甚至乎要課金嘅遊戲,啲人會選擇嚟啲唔需要花太多時間去管理嘅遊戲多啲!當然養電子寵物唔係啲乜嘢新嘅構念,只不過養青蛙大家最期待嘅就應該係佢嗰張明信片。而家真係厲害到有人出埋攻略,真係認真誇張!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]